華嫂冰室 (已搬遷) 新店位置

一直都聽過華嫂呢間冰室，不過實在太遠，佢唔係天水圍西鐵咁簡單，仲要轉搭輕鐵到屏山站，真係少啲攀山涉水；只求美食既欲望都唔得。今次比我友人死迫左我過去，朝早8，9點就到，都係要排隊，不過都好快入得。冇咩胃口，就咁嗌左個佢既招牌菠蘿包，嘗下鮮。餡料普通，就咁牛油芝士蕃茄蛋，但係都已經好夠味，蕃茄既酸甜中和左牛油既heavy，係唔錯既。自己冇試到佢另一個都出名既蕃茄湯底，友人食左話足料但普通。感覺到小店係有心做既，野食比得好足料，唔會得過且過，不過就真係唔值得專登行咁遠過黎朝聖啦，雖然好味但味道實在唔太特別，如果真係好想試，或者可以試下佢觀塘既分店，方便好多。