Le Viet (已結業)

旺角le viet餐廳位置非常方便，旺角地鐵站一出就到。環境: 場內環境好廣闊，而且坐得好舒服，完全唔迫，值得推薦。餐具餐桌非常清潔冇油積。服務: 職員感覺非常專業，亦有外國人侍應，令餐廳整體上更有外國特色，非常特別。食物:呢個餐飲價錢唔算貴，而且唔會太甜，椰汁味濃，但係綠豆味唔係太多。炒通菜非常推薦，價錢唔貴，一食落去就食得出好香好有獲氣，調味亦相當好，個人覺得係必點之選。豬頸肉燒得好香，十分肥美，湯麵相對比較清淡，從而親托出豬頸肉既野味。海南雞好鮮嫩，特別要讚佢個甜酸汁，調得好出色。雞底有菜，份外健康。飯亦係非常高質，應該用左雞油同雞湯褒出後，同埋有椰汁，好好味。我最鐘意係牛，啖啖肉而且燒得好香，肉質亦好新鮮。非常推薦。