更多
2018-10-21
144 瀏覽
經過七福神門口，突然超想食日本野呀🤤同媽媽，表弟，仲有老公一齊食先。餐廳裏面都幾光猛同乾淨，座位好闊，幾好坐，就咁睇呀豬媽冇依依牙牙嘅反應就知道呢度幾舒服😏菜式種類好多，而且價錢相宜，搞到樣樣都想叫。呢度可以自己寫點菜紙，寫編號就可以，豬蠢寫晒成張紙都係菜式名先發現其實可以寫數目字，俾人笑左好耐🤣Lunch都冇食到飯，肚子好餓呀，好彩上菜速度快。先黎三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。脆皮煎餃子，豬以為係普通煎餃子，但原來真係有塊脆皮底，熱辣辣，煎得好靚又唔會穿底，幾香口。廣島吉列炸蠔值得一試，外皮酥脆，咬落入面熱辣辣，正👍紫芋金粟薯餅幾好食， 外皮鬆化，內裡是溶化軟綿的紫薯蓉，甘香清甜。壽司叫左個24件雜錦，賣相很吸引，食材新鮮，以吞拿魚最為出色，脂肪含量豐富，入口溶化。另外三文魚，吉列炸蝦卷，甜蝦同玉子都好好味，有水準。 味噌蟹甲羅燒，蟹膏味道好香，暖暖的蟹肉醬，配上紫菜飯團，滿口蟹膏味，非常滿足亦非常飽肚。炭火燒河豚干好似肉乾咁，甜甜地好好食，食完一條又一條。串燒雞翼，雞皮香脆，雞肉係用鹽調味，鹹味適中。另外芝麻雞翼燒得香
餐廳裏面都幾光猛同乾淨，座位好闊，幾好坐，就咁睇呀豬媽冇依依牙牙嘅反應就知道呢度幾舒服😏
菜式種類好多，而且價錢相宜，搞到樣樣都想叫。呢度可以自己寫點菜紙，寫編號就可以，豬蠢寫晒成張紙都係菜式名先發現其實可以寫數目字，俾人笑左好耐🤣
Lunch都冇食到飯，肚子好餓呀，好彩上菜速度快。先黎三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。
三文魚刺身
7 瀏覽
0 讚好
0 留言
脆皮煎餃子，豬以為係普通煎餃子，但原來真係有塊脆皮底，熱辣辣，煎得好靚又唔會穿底，幾香口。
脆皮煎餃子
12 瀏覽
0 讚好
0 留言
廣島吉列炸蠔值得一試，外皮酥脆，咬落入面熱辣辣，正👍
廣島吉列炸蠔
15 瀏覽
0 讚好
0 留言
紫芋金粟薯餅幾好食， 外皮鬆化，內裡是溶化軟綿的紫薯蓉，甘香清甜。
紫芋金粟薯餅
27 瀏覽
0 讚好
0 留言
壽司叫左個24件雜錦，賣相很吸引，食材新鮮，以吞拿魚最為出色，脂肪含量豐富，入口溶化。另外三文魚，吉列炸蝦卷，甜蝦同玉子都好好味，有水準。
壽司
30 瀏覽
0 讚好
0 留言
味噌蟹甲羅燒，蟹膏味道好香，暖暖的蟹肉醬，配上紫菜飯團，滿口蟹膏味，非常滿足亦非常飽肚。
味噌蟹甲羅燒
15 瀏覽
0 讚好
0 留言
炭火燒河豚干好似肉乾咁，甜甜地好好食，食完一條又一條。
炭火燒河豚干
25 瀏覽
0 讚好
0 留言
串燒雞翼，雞皮香脆，雞肉係用鹽調味，鹹味適中。另外芝麻雞翼燒得香口入味，表層有粒粒芝麻，雞肉嫰滑，唔錯。
芝麻雞翼及串燒雞翼
13 瀏覽
0 讚好
0 留言
特盛鰻魚丼，好大條嘅汁燒鰻魚，呀豬媽嘅至愛。條鰻魚幾長，而且厚度十足，可以用肉厚多汁黎形容，咬落肉質好綿，魚肉嫩滑，而個燒汁好香濃，呢個價錢食到個咁正嘅汁燒饅魚飯真係好抵食，呀豬媽見到都擔心食唔晒。
特盛鰻魚丼
11 瀏覽
0 讚好
0 留言
炸雞軟骨嘅外皮炸到酥脆可口，軟骨帶一點煙煙韌韌嘅咀嚼感，份外惹味，食停唔到口呀。
魷魚鬚唐揚，都幾多魷魚鬚，脆卜卜，唔會太油，可以配日式沙律醬一齊食。
炸雞軟骨及魷魚鬚唐揚
23 瀏覽
0 讚好
0 留言
食到超級飽都要留個肚子食甜品，呢度提供左唔同嘅雪糕包括綠茶，紅豆同柚子，另外有仲有蘋果味同桃味嘅sorbet選擇，我地揀左蘋果，賣相吸引，用左個真蘋果裝住，睇見已垂涎三尺。味道甜點酸酸，帶有蘋果肉，可以解除飽滯感，好好食。
蘋果sorbet
10 瀏覽
0 讚好
0 留言
今晚同屋企人食到飽飽，好滿足🤗下次再黎過
張貼
