984
75
33
港鐵佐敦站 B1 出口, 步行約2分鐘 繼續閱讀
電話號碼
23882302
開飯介紹
位於佐敦的日式料理,有多款刺身及海膽供應,另設特色甜品、原個生果上的「生果雪芭」。 繼續閱讀
附加資料
本店會員享有九折優惠
營業時間
今日營業
11:30 - 15:30
17:30 - 22:30
星期一至日
11:30 - 15:30
17:30 - 22:30
公眾假期
11:30 - 15:30
17:30 - 22:30
付款方式
Visa Master AlipayHK 支付寶 現金
其他資料
網上訂座
酒精飲品
自帶酒水
切餅費
VIP房
電話訂座
加一服務費
當面支付
有關獎賞計劃
食評 (1167)
等級4 2020-11-18
91 瀏覽
今日黎左間令我喜出望外既日式餐廳!!!冇諗過價錢經濟實惠之餘, 食物質素仲咁高又咁好食餐廳位於佐敦, 都幾近地鐵站, 地點好方便~~價廉物美既餐廳果然多人, 7點幾8點就full house喇, 黎食既話BK定位啦~呢道食物種類豐富~有多款日式食物選擇.....淨係睇圖片都覺得吸引!!蟹子沙律 (細) $52叫左細Size都已經好大碗, 足夠4位食~~見到超澎湃既蟹子勁興奮!!! 粒粒卜卜脆爽爆~青瓜絲又新鮮, 條條青脆~另外仲有成兜撈埋一齊食三文魚腩壽司 (特長) $28火灸三文魚腩壽司 $32長長的新鮮三文魚, 入口啖啖肉, 口感豐富, 好滿足丫芝麻雞翼 $62外皮炸得卜卜脆, 好好味丫!!!雞肉又嫩滑~必食之選!!!綱燒牛扒 $118估唔到係咁大塊~ 好抵食丫!!牛扒厚度適中~牛筋甘香, 肉質非常幼嫩~蟹味噌甲羅燒 $68鍾意蟹膏既朋友一定要食呢個~~蟹殼盛載滿滿既蟹膏+蟹肉~鮮味十足, 好食到一個點份量好多~~~ 物超所值!!附送飯&紫菜~包埋一齊食味道好夾, 又唔會太膩海膽海鮮炒黃金飯 $108真材實料~~用上貴價海膽作炒飯粒粒分明既飯粒配上海膽海鮮, 味道一流!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-16
120 瀏覽
最近疫情略為緩和,趁有機會決定外出吃點好西,今次來到在佐敦的日本料理餐廳『七福神和食亭』~星期六的晚上來到,餐廳人頭湧湧,還好有預約,不用等就可以入座了……不過一心掛住吃的小女子忘了拍餐廳內裝的照片LOL餐牌內容超豐富,刺身、沙律、燒物、炸物、丼飯等都有不少選擇,樣樣都想試,二人好不容易選了8道料理:「油甘魚刺身」大大片厚切,新鮮又肥美,刺身愛好者必點~「海膽壽司」夠鮮甜美味,而且份量足,值得點~「灸五味」大件夾抵食,性價比超高,是另一必點之選!「燒明太子」燒得剛剛好,咸香四溢,佐酒一流。「海老天婦羅」蝦肉新鮮彈牙,不過炸皮略嫌過厚,再薄脆一點會更好。「豆腐風野菜湯」香滑且豆味濃郁,加入大量蔬菜和菇類,每一啖都是滿滿幸福,大推!「忌廉蟹肉薯餅」有四大件,外層夠薄身,且炸得很香脆,忌廉薯仔內餡十足,唯蟹肉量不多。「鰻魚炒飯」非常足料,每一口都有惹味的鰻魚粒,且飯粒分明,加上芝麻和紫菜絲等配料,令每一口更有層次感。總括來說,『七福神』的性價比蠻高的,二人叫了一共8道菜也不用$600,食物也有質素,去不了日本旅行,來這兒止止渴也是不錯的選擇啦!------------------------------By alvahana 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-12
424 瀏覽
早幾天剛好經過佐敦,行到肚餓便找一間日本野食,想不到這間日本野有驚喜!裏面有大量卡位,坐得非常舒適,而且店員也很有禮貌,給我的第一印象非常不錯!玉子燒(芝士味)這個玉子燒令我想起了在東京街頭吃到的玉子燒,在香港已經算是做得非常不錯,上菜時熱辣辣,加上濃厚的芝士,真的令人垂涎三尺。忌廉蟹肉薯餅這個小食也在中上水準,炸姨不會過後,而且忌廉味也不會蓋過入面的蟹肉味,平衡得不錯!火炙三文魚壽司和三文魚腩壽司🍣這個火炙三文魚10分出色,是我在香港吃過的火炙壽司之中做得最好的!火炙令加上這個三文魚的油香味更上一層樓,給人一種入口即溶的口感,這味一定是必點的!火炙帶子和火炙蟹棒壽司這兩個壽司也在中上水準,其實也做得不錯,各有特色,也很推薦,但是火炙三文魚太過出色了,完全比下去,哈哈!九州拉麵這個拉麵🍜的質地適合大部份人的口味,因為粗幼度在中間,不會太粗亦不會很有,而且口感彈牙,而且這個拉麵的肉燒得非常非常香口,而且肉質肥瘦適中,吃到停不下來。網燒牛扒這個牛扒令我想起了日本和牛的味道,牛味非常濃厚,就像是在日本餐廳食到的味道,在香港很少可以吃到這種味道,想不到這裏的牛扒比起店內的日式食物一點也不遜色!非常驚喜!牛油果鮮奶沙冰這個雖然叫做沙冰,但是你不會吃到有冰塊,處理得非常出色,比起坊間的沙冰飲品飛甩九條街!而且牛油果味非常龍,可能用了不只一個牛油果, 10分推薦這杯飲品!忌廉綠茶這杯忌廉綠茶偏向抹茶的口感,甜度很少,非常適合健康人士飲!食後感:這個非常適合朋友聚會的餐廳,食物種類很多,而且質素也非常有水準,加上環境舒適和員工質素也不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-03
914 瀏覽
難得近日疫情好轉,跟朋友約了很多次都取消了,朋友介紹在佐敦有間日本餐廳 – 七福神,近似居酒屋,就提早一星期預約,8:30來到,餐廳都人山人海,有多個卡座,而且防疫措施足。餐牌有刺身、壽司、小食、炸物、串燒、麵類、烏冬等….連西式pizza都有,應有盡有,比日本居酒屋還要豐富。我們點了大阪燒醬油豚肉炒麵 $78、金龍蝦飯卷 $48、魷魚鬚唐揚 $58、活赤貝刺身 $58、甘蝦壽司 $26、吞拿魚壽司 $38、京都豚肉煮 $88、炸雞唐揚配芝士醬 $58、墨魚咀唐揚 $62、荔枝香桃梳打大阪燒醬油豚肉炒麵 - 關鍵就是要有大阪燒醬,不會太咸,細麵條完全沾裹醬汁微酸的滋味,口感有彈性。金龍蝦飯卷 - 蝦炸得香脆,蟹籽充足。魷魚鬚唐揚 - 香酥又鬆脆炸魷魚鬚,彈牙口感十足。活赤貝刺身 - 新鮮即開的活赤貝刺身,食落肉質更爽厚、味道更鮮甜,令人再三回味!甘蝦壽司、吞拿魚壽司 - 吞拿魚比油甘魚和鰤魚更為清甜,而且油份不會過膩,鮮味、酸度和甜度均衡,甘蝦肉質細綿、味道甜美。京都豚肉煮 -豬肉煮到很軟嫩,肥糕與肉比例相當均衡。炸雞唐揚配芝士醬 – 配上芝士醬一流,做多少少運動都值得。總評:真心覺得比日本居酒屋優勝 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-25
971 瀏覽
今日嚟到佐敦七福神, 其實呢一間餐廳自己以前都聽聞過,其實應該都好似開咗一排而且有朋友盛讚呢一間餐廳,咁我就同朋友試一試呢一間餐廳, 咁上到去其實內裏都算寬敞而且坐得都幾舒服 都唔錯 有一定嘅空間感。 咁我哋叫咗以下食品:魚切魚生丼: 裏面有三文魚、吞拿魚、雞蛋青瓜絲、魚子、帶子同其他魚生, 咁其實呢個魚生返分量我覺得都算多而且最重要就係每一粒魚生都好新鮮,所以呢一間日本餐廳來貨啲魚生都OK的。安康魚肝: 食得多鵝肝到厭啦,咁今次我介紹下食魚肝 。呢個安康魚乾我覺得texture真係有啲似鵝肝,因為其實係朋友介紹食安康魚肝,都係嗰句營養價值高而且我覺得都幾鮮美同佢個口感都滑潤, 所以我都幾like!蟹味噌甲羅燒: 咁佢有鳕魚乾或者紫菜珍珠飯揀,咁我就要咗雪魚乾,用左幾多蟹糕去燒、加小小蔥花 、睇碟野知道師父好細心同我哋燒, 因為而家自己燒一定燒唔出咁嘅效果, 將啲蟹膏放落鱈魚片到食 味道真係非常之夾,而且蟹膏同蟹肉香濃,最緊要嘅就係佢呢一個價錢唔係特別貴,所以呢一道菜我誠意推介。七味軟殼蟹卷: 呢個捲其實我覺得都ok嘅,因為啲軟殼蟹脆卜卜,同埋佢落咗好多我最鍾意食嘅蟹子,所以睇賣相已經真係唔錯,食落再去點小小芥辣加豉油簡直就係享受。香辣大蝦海鮮烏冬: 最後呢個就係我哋今晚我覺得最好食嘅主角,因為佢份量多,而且有我最鍾意嘅海鮮大蝦,而且我食得出佢個烏冬係用手打烏冬,所以成個烏冬煙煙靭靭,另外佢湯底亦都幾好飲,因為辣辣地嘅, 仲有啲海鮮都好新鮮 。所以如果可以接受辣嘅朋友可以試下呢個烏冬我覺得真係幾抵食。最後我同朋友享受埋杯荔枝青蘋果梳打就閃人了, 佢調劑啲杯飲品我覺得都幾好飲, 另外呢間餐廳都有好多食品可以選擇,所以應該好短嘅日子裏,我都會返返呢間餐廳度試下其他嘢食。 所以大家行開咗得呢一頭,大家可以試下呢間餐廳。 繼續閱讀
(以上食評乃用戶個人意見 , 並不代表OpenRice之觀點。)