松記甜品外賣店 (已結業)

好耐冇食松記，以前成日食佐敦嗰間，唔知原來慈雲山都有。咁啱落大雨，入去食返碗糖水都好喎。見到佢寫係外賣店，其實都有得堂食，都有三張枱，不過堂食都係用外賣碗，好唔環保，呢樣野真係要反映下。我見佢寫話周年慶，有幾款糖水都係22蚊咋，例如芋圓仙草凍，芋圓西米露，芋圓紫米露，芋圓沙冰。呢啲糖水出面起碼賣30，所以真係好抵。糾纏左一陣，終於決定試仙草。雖然22蚊，但係一啲都唔會hea，芋圓都有三種口味，蕃薯、紫薯、芋頭，而且味道好夠，唔睇顏色都分到食緊邊隻，而且每種有4粒，即係我食咗12粒芋圓，救命，肥死🤪🤪仙草同紅豆嘅味都好夾。食到好飽好飽。。。真係好抵食。