千味燒

營業中

休息中

Item: 千味燒
Rating: 5
Author: 區鈞翔

Charming Grill

4.5

62 食評

味道

環境

服務

衛生

抵食

336

大角咀

$101-200

粵菜 (廣東) 燒烤雲吞/餃子串燒

區鈞翔

等級4

111

依一晚過咗嚟大角咀睇樓盤, 揀咗幾個心水嘅樓盤, 行到攰攰哋又肚餓真係要搵間靚靚餐廳醫下自己過五臟六腑！行到落大全街見到有一間好有特色好有節日氣氛嘅串燒餐廳, 門面感覺有啲似四川麻辣感覺, 小弟同朋友都好鍾意食串燒之後行咗入去, 一入到餐廳就畀到我有一種好有傳統氣色同埋有啲覺得似聖誕嘅氣氛嘅feeling. 我哋一坐低就急不及待問店員攞餐牌拿拿林叫嘢食, 因為行咗3個鐘頭實在太肚餓啦, 最鍾意食海鮮嘅我梗係要叫返幾樣有海鮮嘅嘢食啦！有我最鍾意嘅蒜蓉大扇貝同埋辣椒炭燒蒜蓉生蠔, 諗起都流曬口水, 仲有見到有嘢味烤汁豬腩肉, 我朋友鍾意食燒蕃薯仔同埋鵪鶉蛋、墨魚丸同埋燒豬手, 當然唔少得我另外嘅至愛韭菜同埋雞髀菇啦, 芫茜燒蝦真係未試過, 夠啦夠啦快咗咁多.店員知道我哋好肚餓, 一嚟到就畀咗碟韭菜同埋墨魚丸我食住先, 即叫即整嘅味道真係好唔錯, 豬腩肉餃子同豬手都大大隻, 真係第一時間醫咗我個肚仔先, 現場仲有孜然粉同辣椒粉畀我做調味, 店員仲專登畀個膠兜我哋審落去點嚟食真係好細心抵讚！最後嚟埋兩隻燒生蠔同埋兩隻大隻扇貝, 隻生蠔差唔多有我手掌咁大, 隻扇貝仲好大粒好好肉兩樣都好有鮮

依一晚過咗嚟大角咀睇樓盤, 揀咗幾個心水嘅樓盤, 行到攰攰哋又肚餓真係要搵間靚靚餐廳醫下自己過五臟六腑！

行到落大全街見到有一間好有特色好有節日氣氛嘅串燒餐廳, 門面感覺有啲似四川麻辣感覺, 小弟同朋友都好鍾意食串燒之後行咗入去, 一入到餐廳就畀到我有一種好有傳統氣色同埋有啲覺得似聖誕嘅氣氛嘅feeling.

我哋一坐低就急不及待問店員攞餐牌拿拿林叫嘢食, 因為行咗3個鐘頭實在太肚餓啦, 最鍾意食海鮮嘅我梗係要叫返幾樣有海鮮嘅嘢食啦！有我最鍾意嘅蒜蓉大扇貝同埋辣椒炭燒蒜蓉生蠔, 諗起都流曬口水, 仲有見到有嘢味烤汁豬腩肉, 我朋友鍾意食燒蕃薯仔同埋鵪鶉蛋、墨魚丸同埋燒豬手, 當然唔少得我另外嘅至愛韭菜同埋雞髀菇啦, 芫茜燒蝦真係未試過, 夠啦夠啦快咗咁多.

店員知道我哋好肚餓, 一嚟到就畀咗碟韭菜同埋墨魚丸我食住先, 即叫即整嘅味道真係好唔錯, 豬腩肉餃子同豬手都大大隻, 真係第一時間醫咗我個肚仔先, 現場仲有孜然粉同辣椒粉畀我做調味, 店員仲專登畀個膠兜我哋審落去點嚟食真係好細心抵讚！

最後嚟埋兩隻燒生蠔同埋兩隻大隻扇貝, 隻生蠔差唔多有我手掌咁大, 隻扇貝仲好大粒好好肉兩樣都好有鮮味, 對嘢食嚟講我個人都好有要求, 呢間餐廳真係啱曬我口味, 下次一定會再帶朋友過嚟食下試下！