華加士餐廳 (已結業)

我覺得係重慶大廈裡面最正嘅咖喱餐廳!重慶有好多咖喱餐廳，我都食過好多間，但呢一間係最掂! 除咗食物好味，環境仲好乾淨，而且店員可以講廣東話，溝通冇問題。Papadom 胡椒脆餅，又薄又脆，好香口。Tandoori Fish 印式烤魚, 原條烤，香料味好濃又香，魚肉好鮮味，唔係好喊又唔算好辣，勁有風味。Lamb Korma 杏仁汁燴羊肉，個汁好creamy又濃又滑，羊肉好嫩好夠味，唔係好辣嘅一種咖哩。Kashmiri Pullau 喀什米爾果仁蒸飯，甜甜地嘅一種飯，但係冇乜果仁，但就有好多什果，甜甜地特別得好緊要，好好味。