花居酒屋 (已結業)

生日難得一聚，好開心今日朋友帶我嚟呢間食，一入到去好似去左日本咁，鋪頭裝修好靚，好有去旅行嘅感覺。因為仲有個朋友未到，係等緊佢嘅時候，嗌啲小食，個人同朋友都好中意食串燒，所以嗌左雞肉串食，味道正常！然後嗌埋燒茄子，味道ok，有加到少少芝麻，不過份量（如圖）就有啲小。如果份量可以大少少就好啦。同朋友見到大家推薦食玉子燒，所以就帶咗個鰻魚玉子燒，今次份量足夠，而且玉子燒個蛋做得好好，味道亦都好吸引，真心推薦大家食！最後嗌左鏝魚隻，個汁可以再多少少會更好！