經過見到呢間，點左兩個餐一個甜品 分別等左30同40分鐘先到左兩個餐，不過人流唔多，等餐時間相對上較耐，不過味道係好食，餐份量都好夠，如果趕時間唔建議，有心等待係可以的 甜品細份左啲，好食的

情人節男朋友一早book好餐廳，網上買埋set準備充足❤️🙈 8點半入到去門口無人，搵左侍應示意，見佢地好忙，所以等左陣。 大約等左15分鐘後，終於有人出嚟接待，見到兩位待應之間有衝突同脾氣，但當面比客人見到有啲尷尬🥹（餐廳應該係節日增加人手，明顯佢地唔夠人做野😥） 入到去，侍應安排座位，8:56分落左單，飲品亦送上 同男朋友開始有啲肚餓，見同步入嚟嘅客人都食緊主菜，等左半個鐘問侍應，侍應話準備緊。 因為杯野飲都就飲曬，野食仲未到 再等到45分鐘，再問侍應，原來漏左單🫠🫠，個刻好無奈😮‍💨好失望🥲望住隔離5張枱都有野食，仲食緊甜品，我地仲未有主菜🥹喊出嚟😭唯有默默地等待⌛️…..望住個吉碟，隔離枱嘅香味，真係肚餓啦🥺🥺🍽️ 終於10點09分，哇，等左超過一粒鐘 我地明白當晚情人節好多人，不過侍應都見到同步入嚟嘅客人已經有野食，得我地張枱係吉嘅，察覺性有啲低😥😥等到45分鐘先知漏單，真係唔開心，佢地都知衰，話可以送一杯飲品比我地，但我地水都飲左幾杯😓😓我地話唔洗了，終於可以食主菜 主菜係牛扒係煮得唔錯好食，甜品擺設靚，但味道就一般 整體嚟講，等餐等超過一粒鐘先有得食，追問兩次先察覺漏單，已經破壞左成個氣氛，係極度失望🤦🏻‍♀️🤦🏻‍♀️而賠償只係送杯野飲😓😓極無誠意，當然唔接受啦！😠 不會再來了🫠🫠 建議餐廳節日應做足安排、人手分配，而侍應察覺性需提高，至於誠意要好好思考點補償比客人而唔係普通一杯飲品，希望你哋會有改善。

難得好朋友生日，諗住襯返個靚景比佢開心下，好彩前兩星期book定枱，mark定坐outdoor 入到去原來佢有兩層，下層係indoor位（其實indoor位都唔差）上層係outdoor，坐低左望大廈個邊係靚，不過咁岩被安排嘅位置有大傘遮擋住個景，但另一邊就無咩特別 至於食物CP值唔算高，價錢少貴，份量較少，加上入座有限時，我地岩岩食完正餐就食蛋糕，侍應話夠鐘，有少少掃興同對朋友唔好意思，我地勁快食左幾啖蛋糕就走 不過加分位係當晚我著裙，有個侍應拎左條披肩比我蓋住，呢個位幾細心，謝謝那位侍應👍🏻 整體嚟講，環境係Chill，不過booking 太full 要限時食飯有啲趕😥

男朋友仔話帶我去食好野，佢仲Book左位，超期待！！嚟到見到門口好似好正咁 入到去會問你有無Book到位，原來都幾Full，有人Walkin都無位入，建議夜晚繁忙時間大家最好Book左位先！ 入到去因為要睇車，所以要求調門口位，店員好好仲提示我地門口位會較凍，好細心！ 菠蘿炒飯$96 好快就嚟到啦！擺盤好靚，有種滿載而歸嘅感覺，仲有我至愛嘅腰果！超多！腰果好香好脆口！成位飯炒得好香，飯粒分明，軟硬度剛好！正！大推！ 椰子開心果沙冰$48 椰子味好香濃！外觀吸引！ 熱泰式奶茶$28 同平時飲開奶茶有啲唔同，奶嘅比例較少，茶味較濃。 泰式烤魚（原條）$173 烤魚要點醬先夠香，個醬有少少辣，如果你都好似我咁食唔到辣，可以食條魚唔點醬（不過就無咩味，有啲乾），如點醬點少少慢慢試！ 椰汁芒果糯米飯$55 飯後嚟個甜點，應該係我食過最好味嘅芒果糯米飯！雖然價錢少貴，但椰汁好夠！芒果（半個）香甜，飯好香，成件事好夾，推薦！ 吃飽飽圖🤭🤭 整體嚟講，環境舒服，店員落單快手，細心（全男班），野食擺盤有心機，無論食物或飲品味道亦出色，出餐快，整體安排流暢，價錢以咁嘅質素嚟講絕對值，好少可我會全讚嘅餐廳！ 溫馨提示💕 繁忙時間最好Book左位先！ 有加一服務費 回頭再食指數：⭐️⭐️⭐️⭐️⭐️/5星滿分

難得屋企人全部放假，見pizza hut 做緊堂食外賣減$50優惠，所以嗌pizza請屋企人食最開心🥳 五點就去咗嗌外賣了，因為好驚等太耐，結果20分鐘就可以拎了 最近Pizza Hut推出極芝熔岩批，新嘢，梗係試試佢，本身都鍾意食千島海鮮批，所以呢個批都啱口味😋 五人份量（$462）嗌咗： 🍕 極芝熔岩批👍🏻👍🏻 🍕千島海鮮批 🍘酥脆雞棒拼薯格（外賣返到嚟已經淋晒🥹） 🍞蒜蓉包👍🏻👍🏻 🍗原味雞翼八隻👍🏻👍🏻 🥔白汁煙肉薯蓉 🫕忌廉雞湯 🍚拿破崙蘑菇腸焗飯 呢個份量啱啱好，個個都食得好飽，全部清晒👍🏻👍🏻 回鋪再食指數：⭐️⭐️⭐️⭐️/5星滿分

之前返工係中環食過一次，個次因為疫情關係，晚市得外賣自取，但外賣都令我回味無窮，好少外賣返去都咁好食，今次經過旺角見佢又開分店，終於可以堂食了！！ 今次見到Menu有極濃雞白湯拉麵🍜 Menu上寫着湯底用原隻雞煮咗八個鐘以上，好正咁，所以我同男朋友都揀咗一人一碗🤤 好快就嚟到，哇！超大碗，擺盤好壯觀，好吸引，見到都忍唔住了！ 湯底真係好濃！由於冇味精湯底，更加突顯到每種食物嘅原汁原味，其實湯底真係唔需要咁多味精，食物嘅原材料已經係最好嘅調味品 好感動，終於搵到一間冇重味精嘅湯底，以前食開味精拉麵都會好口渴，呢款唔會啦～超級推薦！！ 雞肉（兩塊）同豚肉叉燒（超大塊）都好好咬🤭另外炸左啲針菜好惹味，呢碗簡直冇得頂！！唔食真係走寶！ 日式餃子🥟4隻，新鮮熱辣，好味😋 黑豚肉腸4條，口感煙韌，好好咬！ 整體來講，一碗冇味精又有濃雞湯嘅拉麵，好值得一試👍🏻食到好飽，滿足！男朋友仔仲飲曬啲湯🤭🤭 回鋪再食指數：💛💛💛💛💛/5星滿分

同屋企人慶祝生日，諗住食特別啲，網上見到有間食墨西哥嘅餐廳，又近屋企人收工地點，所以就揀咗呢度 環境燈光昏黃，好有氣氛 Vegetarian Soup，有啲辣同酸，初初唔知叫左3碗，結果4個人得1個飲到，其他人唔岩口味，大家可以叫一碗試左先 Toca 🌮 揀左魚、豬、雞5件款，三種口味都好惹味，細細份拎上手幾方便，呢款推介大家試👍🏻 焗薯好大份，好食👍🏻👍🏻 Taco Salad Chix 建議多人食嗌會好啲，呢個份量好多，我地四個人食都好夠 牛肉好淋身好食😃 Enchilada Chix 正正常常 整體嚟講，環境幾有墨西哥氣氛，侍應服務態度好，擺盤吸引，Taco 係幾好食👍🏻一次半次嚟食下都ok

有日搭車經過見到，今日咁岩醒起就嚟食下 好快就有位，環境正常舒服，餐具乾淨 見個餐牌有台灣肉燥飯，好耐無食試下先，有一隻滷水蛋，不過份量岩岩好，味道正正常常 跟餐有例湯 例湯係好飲，但渣嘅比例較多，如果多番啲湯水就好啦

之前見全球第一間Donki壽司店已經想食，但係太多人排隊，今日經過見少少人唔使排，當然就入去啦～ 入到去職員帶位，枱上面已經有兩款鹹同甜豉油，筷子、杯、茶壺，不過洗完隻杯啲水同包裝垃圾冇嘢裝住😥建議可以擺個小型垃圾桶 水龍頭啲相實在太細啦，斟杯茶嚟飲有啲慢…… 用iPad自助落單好方便，不過款式唔算太多 冇幾耐食物就喺迴旋帶自己送過嚟，呢個畫面係幾興奮😆（因為疫情關係，所以取消咗迴轉壽司，全部即整） 蟹子勁新鮮，每一粒蟹子都係好分明，入口咬落即爆，正！重覆叫咗三四碟，大推👍🏻👍🏻 紫菜好堅挺！明顯係即刻整嘅！ 估唔到粟米壽司都好好食😃 鰻魚壽司，簡直冇得頂！特別推介「炙燒鰻魚壽司」好鬼正🥺 至於帆立貝壽司就有啲失望，無咩味，唔知食咗啲咩嘅感覺😓 北海道雪糕牛奶味好重，但比較多冰 整體嚟講，壽司好新鮮即刻整，睇紫菜嘅堅挺程度就知道，特別推介鰻魚同蟹子壽司🍣，不過價錢相對有啲貴，仲有+1服務費 回鋪再食指數：💛💛💛/5星滿分

好耐冇見班朋友，經朋友介紹下嚟咗銅鑼灣呢間餐廳聚舊，一入到嚟成個感覺好Chill，氣氛都好正，係好似去咗外國咁 我哋5個人，被安排坐一張長枱，但係四人枱，擺埋啲袋就有啲迫，如果張凳下面有個位可以俾人擺袋就更好。 因為我哋比較多人食，所以份量都嗌得比較多 Taco Salad ，做前菜岩曬，仲開咗支Moscato La Spin.Bt，好好飲 Cheeseburger Pizza 材料好豐富好食😋，Hot Wings 份量好足夠，炸得啱啱好 不過有幾次落單落漏咗，最後都叫侍應跟返 整體嚟講，成班朋友一齊聚舊呢個地方啱晒，夠曬Chill，除咗人手唔太夠，食物亦好岩一班朋友一齊分享 回頭再食指數：💛💛💛💛/5星滿分