影片
更多
2024-01-22
1725 瀏覽
好耐冇喺北角逸龍軒飲茶，今日兩個人嚟食晏。喺門口望入去，見到冇乜客、好多枱剩，同疫情前好唔同，連餐單同價錢都係唔同哂。以前都幾經常嚟，雖然通常唔使等位，不過都冇乜枱剩。今日叫咗啲特別嘅嘢，我最欣賞係個金盞沙律百花蟹鉗，大大隻、賣相又靚，新鮮熱辣，好正！😋不過超貴，兩隻$136😅！呢度啲灌湯餃雖然唔平，都唔算好貴，不過真材實料，夠熱好味，值得一試。😋通常飲茶都係食蝦腸，帶子腸都食過，不過一般都係帶子碎上，呢度講明係原隻鮮帶子，果然係唔同啲，重點：啲帶子唔係細細粒㗎。個藥膳綿花雞又係有啲特色，$58唔算好貴，如果唔怕藥材味都真係幾OK。最唔抵食係黃金墨魚餅，味道唔係好特別，但係要$98，平均$20一件！最後叫咗個燉湯同臘味煲仔飯，個湯夠熱，味道都算OK，不過煲仔飯啲臘味得個甜字，失望！😥個飯開蓋之後唔記得影相！🤣🤣今餐啲嘢食整體都係算唔錯，不過八折咗人均都仲要$378，雖然話係酒店啫，但係都真係幾貴$$$！最唔明係：菊花茶收咗$28，但係張單上面仲有樣嘢叫「座位費」每人$20😓！
今日叫咗啲特別嘅嘢，我最欣賞係個金盞沙律百花蟹鉗，大大隻、賣相又靚，新鮮熱辣，好正！😋不過超貴，兩隻$136😅！
金盞沙律伴百花蟹鉗（2隻）
$136
12 瀏覽
0 讚好
0 留言
呢度啲灌湯餃雖然唔平，都唔算好貴，不過真材實料，夠熱好味，值得一試。😋
元貝蟹肉灌湯餃
$88
8 瀏覽
0 讚好
0 留言
通常飲茶都係食蝦腸，帶子腸都食過，不過一般都係帶子碎上，呢度講明係原隻鮮帶子，果然係唔同啲，重點：啲帶子唔係細細粒㗎。
原隻鮮帶子腸粉
$68
8 瀏覽
0 讚好
0 留言
個藥膳綿花雞又係有啲特色，$58唔算好貴，如果唔怕藥材味都真係幾OK。
藥膳綿花雞
$58
10 瀏覽
0 讚好
0 留言
最唔抵食係黃金墨魚餅，味道唔係好特別，但係要$98，平均$20一件！
黃金墨魚餅
$98
10 瀏覽
0 讚好
0 留言
最後叫咗個燉湯同臘味煲仔飯，個湯夠熱，味道都算OK，不過煲仔飯啲臘味得個甜字，失望！😥個飯開蓋之後唔記得影相！🤣🤣
逸龍燉湯
$98
6 瀏覽
0 讚好
0 留言
今餐啲嘢食整體都係算唔錯，不過八折咗人均都仲要$378，雖然話係酒店啫，但係都真係幾貴$$$！最唔明係：菊花茶收咗$28，但係張單上面仲有樣嘢叫「座位費」每人$20😓！
張貼
