Mansons Lot (已搬遷) 新店位置

星期日想試下啲未食過嘅餐廳，嚟左依間 Mansons Lot ，來到一點幾剛好有位，佢有一個位係特別凹入去，我咁好彩就係嗰個位，裡面大部分都係外國客人，雖然店不大，但裝修都唔錯！之前係睇過其他食評先嚟，所以我點了好多人讚嘅 Lasagna+Salad $96, 賣相還可，滿滿嘅肉同芝士，見到都流口水，我急不及待就切一塊一啖食落去，點知出乎意料之外啲芝士係唔靚嘅芝士，所以係冇芝士味嘅，而千層麵亦太淋，肉味亦一般，其實個味同我去 Pizza Hut 食個分別唔大，咁就真係令我幾失望！Ice Mocha 送到上檯同我心中幾大出入，可能比 Starbucks 種慣左，佢一啲 cream都冇，飲落仲要係唔甜，冇落糖槳一樣，用$54去買依杯凍飲真係.......冇下次Art Toast w Cheese Bacon $40 , 依個算係最抵最好食嘅一樣嘢，煙肉不會太乾，多士亦唔錯，仲有少少Salad伴碟！希望佢哋以後會有改進，不會再比其他人有失望的星期日！