更多
2020-10-02
3313 瀏覽
其實呢幾排成日落雨， 搞到天氣涼浸浸 ，咁當然啦涼浸浸嘅天氣就係最好食雞煲， 感受朋友嘅邀請咁就嚟到沙田呢一間豐鍋雞煲度食雞， 入到去入面間隔都是是正正，而且亦都有豉油、蒜蓉呀辣椒呢啲醬料提供。滋補螺片花膠雞煲半隻： 其實呢個雞煲啲雞我覺得都幾嫩滑，都有雞嘅鮮味而且飲落去個湯底亦都好滋潤，啱曬呢加乾燥嘅天氣。 而且花膠同螺片亦都幾足料大家可以睇我幅圖參考下。 其實我覺得係呢一間度食雞煲應該叫麻辣嘅，但因為朋友唔係太食得辣，所以試下其他雞煲，點知呢個雞煲我覺得真係幾好，For返一啲唔食辣嘅人都ok。手工四寶丸: 有蝦丸、墨魚丸、黑墨丸同鯪魚丸， 呢個四寶丸我覺得有一個共通點就係 每款丸都好彈牙，而且亦都大大粒，呢個墨魚丸我就最鍾意，因為我真係食得入面有一啲攪碎咗嘅墨魚喺入面，呢個真係值得讚。 而且每款亦都食到幾爽口幾新鮮，真係好似親手打咁樣。正!即炸紫菜響鈴： 呢個我覺得幾特別，因為有紫菜讓喺入面。 而且喺出邊其他餐廳都好少食到呢款咁嘅響鈴有興趣可以試下。手工即炸魚皮:呢個魚皮大家又可以参考到我幅相，佢呢一個真係好似喺魚刮咗層皮出嚟炸咁樣，自己食落去覺得個魚皮都幾脆， 唔似係街出面叫嗰啲
滋補螺片花膠雞煲半隻： 其實呢個雞煲啲雞我覺得都幾嫩滑，都有雞嘅鮮味而且飲落去個湯底亦都好滋潤，啱曬呢加乾燥嘅天氣。 而且花膠同螺片亦都幾足料大家可以睇我幅圖參考下。 其實我覺得係呢一間度食雞煲應該叫麻辣嘅，但因為朋友唔係太食得辣，所以試下其他雞煲，點知呢個雞煲我覺得真係幾好，For返一啲唔食辣嘅人都ok。
手工四寶丸: 有蝦丸、墨魚丸、黑墨丸同鯪魚丸， 呢個四寶丸我覺得有一個共通點就係 每款丸都好彈牙，而且亦都大大粒，呢個墨魚丸我就最鍾意，因為我真係食得入面有一啲攪碎咗嘅墨魚喺入面，呢個真係值得讚。 而且每款亦都食到幾爽口幾新鮮，真係好似親手打咁樣。正!
即炸紫菜響鈴： 呢個我覺得幾特別，因為有紫菜讓喺入面。 而且喺出邊其他餐廳都好少食到呢款咁嘅響鈴有興趣可以試下。
手工即炸魚皮:呢個魚皮大家又可以参考到我幅相，佢呢一個真係好似喺魚刮咗層皮出嚟炸咁樣，自己食落去覺得個魚皮都幾脆， 唔似係街出面叫嗰啲咁行貨。 你要食呢款魚皮真係好似呢一間餐廳先至有，自己未食過咁嘅魚皮。 都係呢一間餐廳特色菜之一。
頂級安格斯牛小排:呢個係店员即刻切出嚟送上， 咁樣可以保證新鮮啲 ，其實打邊爐牛肉就食得好多，好少食到咁鮮嫩嘅牛肉 ，煮大概八成熟， 肉質鮮甜而且軟熟 、肉質彈牙， 而且每塊牛亦都分佈出有少少油脂，令到口感食落去更佳。 最緊要就係食材新鮮。
最後我同朋友飲埋杯椰青&咸檸七就走了， 講時講杯咸檸七真係唔錯 ，食少少辣再飲杯檸七成個人爽曬。 如果大家鍾意食雞煲都可以試下沙田呢間。
張貼
