197
6
2
港鐵石門站 C 出口, 步行約2分鐘 繼續閱讀
所有分店 (3)
電話號碼
26030033
開飯介紹
沙田的人氣雞煲火鍋,配料新鮮有誠意,最受歡迎包括手切牛肉、手打四寶丸、手包麻辣雲吞同爆芝響鈴等。 繼續閱讀
營業時間
今日營業
11:30 - 14:30
17:30 - 23:00
星期一至五
11:30 - 14:30
18:00 - 23:00
星期六至日
11:30 - 14:30
17:30 - 23:00
*最後點餐時間: 22:45
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
網上訂座
酒精飲品
切餅費
電話訂座
當面支付
有關獎賞計劃
食評 (228)
好耐無打邊爐啦!今晚約左好友去豐鍋雞煲,上次食過一次勁高質,坐得舒服,店員服務態度又好。滋補螺片花膠雞煲 (半隻)濃厚湯頭足料無味精,啖啖鮮甜滋補,極重膠質,仲有大量花膠、螺片, 雞件鮮美嫩滑,好滋味。手工四寶丸 一次過可以試齊皇牌四寶丸,有齊蝦丸、墨魚丸、黑墨丸、鯪魚丸,粒粒爽口彈牙,口感極佳,尤其推薦有墨魚粒既黑墨丸,口感豐富。頂級安格斯牛小排油花分布均勻,滑嫩多汁,牛味濃郁,牛香十足,入口即溶。自創爆芝響鈴即叫即炸香脆響鈴內有厚厚流心芝士,芝味十足,好邪惡!什菜籃有齊白菜、唐生菜、菜心,勁足料,款款新鮮翠綠好鮮甜!椰青解熱生津一流,好清甜。大話七 配搭新鮮,酸酸甜甜好開胃。 繼續閱讀
(以上食評乃用戶個人意見 , 並不代表OpenRice之觀點。)
大家好,今次去食雞煲我地去左一間叫豐鍋既雞煲店佢有2間分店,深水步和沙田,睇你方便去邊間食啦~主打新鮮靚料雞煲,先食雞,再打邊爐 有椰子雞煲,夠曬滋潤補身,也有花雕藥膳,另外仲有花膠雞煲同招牌麻辣可選唔同辣度,可半隻或一隻上,雞肉選用靚雞,啖啖肉,骨細,易食,肉嫩皮爽我選了椰子雞煲,睇住佢用椰青加水,真係啖啖都係鮮甜建議落左雞煮熟收細火,先食雞,飲埋湯,最後先加湯打邊爐!食材就相當豐富,我地叫左招牌手打四寶丸,即係黑白墨丸加蝦丸和鯪魚) 仲有自創既爆芝即炸響鈴,大大件,中間仲有芝士同紫菜 仲有原條手工即炸魚皮,長長一條,當小吃或打邊爐浸湯食都非常惹味又脆口另外推薦 安格斯牛小排,油花均勻,肉味濃香細嫩,配辣定唔辣都咁好食 好單純就係墨魚,同蝦肉打成,啖啖鮮味彈牙,仲有好多墨魚肉粒 飲野都幾抵,一大杯檸茶或檸樂都係32蚊杯~另外仲有椰青,手工喃酒等等選擇呢度食材高質素,價錢公道抵食,唔訂位根本無得食,有興趣就要提早預訂啦~精選火鍋配料半價(適用於9:30夜貓時段)平均消費約300蚊一位 先飲雞湯,食嫩滑雞肉,清曬雞肉再加湯落丸三種手打丸都係非常好食,彈牙鮮味 總評,水準好高,座無虛席,唔訂位好難有位 繼續閱讀
(以上食評乃用戶個人意見 , 並不代表OpenRice之觀點。)
朋友話想食雞煲....我就諗起好耐之前係石門食過既呢間雞煲質素唔錯, 就帶佢黎食啦~~6點幾入庭餐廳都唔少人喔, 黎食最好要訂位丫!!我地2個人坐4人位~~咁先夠位擺食物呢.....餐牌有好多選擇喔~~肉類, 海鮮, 蔬菜, 丸類等.....非常豐富!!豐鍋招牌麻辣雞煲(半隻) $168份量足夠2人食丫~~邊炒邊聞到香噴噴既味道雞煲既秘製醬汁好惹味雞肉非常嫩滑食完雞煲就開始打邊爐喇~~頂級安格斯牛小排 $178大大算, 排得好靚好吸睛牛小排牛味濃, 而且好甘香~~肉質軟腍, 好好味呀!!!手工四寶丸 $85分別係蝦丸, 墨魚丸, 黑墨丸, 陵魚丸喜出望外既好味!!!好少食到咁彈牙既丸!!粒粒都唔單上好彈牙, 味道仲一流添自創爆芝響鈴 $38脆脆既響鈴包住芝士~烚一烚即拎起, 保持外脆內軟~~入口一咬開就爆芝喇, 超正!!鍾意芝士既朋友必食~~什菜籃 $68可以一次過食到唔同種類既菜~~大大盤, 好豐富丫!!!椰青 $48消暑既椰青好解渴~~打住邊爐飲超爽呢 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-27
2962 瀏覽
真係好耐無同朋友出街食飯..👭🏻想搵個地方可以傾下計又方便返屋企既,就揀咗石門唔經唔覺,石門開咗好多唔同既餐廳🍽️而之前同事曾經介紹過有間好好食既雞煲🐔🐔一直好心動,今次就去試一試佢有幾好食啦都真係不得不講,而家出街食飯,真係成個死城一樣..☠️好少人好似我咁大無畏反而呢間雞煲,竟然可以坐滿全場,一定有佢可取之處黎到呢度,緊係要食雞煲啦!!豐鍋招牌麻辣雞煲(半隻) $168🐓叫咗個小辣,感覺都唔係好辣🌶️下次可以挑戰一下食中辣, 剌激一下個味蕾雞好嫩滑,份量都唔少食完呢煲都有半飽既感覺🤭食完雞煲,加湯叫餸是必須吧!頂級安格斯牛小排 $178🐮唔好睇佢份量好似唔多但佢既油花好靚,每人都食咗好多塊🤤入口竟然有即溶既感覺好滿足呀!!!👍🏻👍🏻👍🏻手工四寶丸 $85粒粒都好大粒,一次過滿足4個願望最鐘意係蝦丸,好彈牙🦐仲食到有蝦粒,好足料手工即炸魚皮 $48🐠長長既魚皮,即叫即炸即出爐唔洗點湯都好好味反而點湯要浸耐少少先入味即炸紫菜響鈴 $38又是即叫即炸即出爐,響鈴入面包住紫菜份外多咗一種口感好得別,點湯食係絕配什菜籃 $68真係勁足料既什菜籃分別有白菜,娃娃菜同生菜🥬齊晒打邊爐必吃之菜,同朋友食唔洗爭👭🏻💬飲埋野,人均都係$300,呢個質素,真係抵比 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-12
1850 瀏覽
推薦指數:🤩🤩🤩🤩石門果然好多好野食,今日黎食雞煲,唔想咁熱氣就嗌左個滋潤椰子雞煲!加左足料椰青水,好清甜好潤呀~椰子雞煲點可以無主角呢?呢到的份量係半隻雞,相當足料兼大隻肥美的新鮮雞!雞皮充滿黃油同雞肉都好新鮮!值得一讚的當然係呢個椰子湯底,清甜潤喉,湯頭係淡淡椰青水的鮮甜,配埋杞子、紅棗、竹笙,仲有切絲的椰子肉,成個湯底簡直係健康之選~食雞煲唔一定油膩重口味,呢個椰子湯底絕對掂呀~嗌左手工四寶丸(黑墨丸、墨丸、蝦丸、鯪魚丸),超彈兼大大粒,每一粒都好飽滿而且真材實料,裡面食到墨魚粒粒同蝦肉,每一款丸都各有特色~我自己就最鐘意黑墨丸,真係好彈牙好好食!不得不提的手製即炸紫菜響鈴同手工炸魚皮!一份有3件,真係新鮮即炸,一送上仲要熱辣辣脆卜卜,好有HEART的店鋪先會堅持即點即炸,保持最新鮮最脆口的質感!一浸落椰子湯底3—5秒就已經食得,外軟內脆,同朋友都大讚呢個高水準。打邊爐同食雞煲,必嗌的當然係牛肉啦~呢款頂級安格絲牛小排,一客份量都好多,鋪滿成碟,牛小排油脂分佈平均,快淥幾秒入口即溶!牛小排質素唔錯,推薦大家嗌,一份都只係HK$178。什菜藍都有至少3款蔬菜!新鮮乾淨,蔬菜配埋個椰子鍋係超鮮甜!一啲都唔油膩!有肉有菜,夠哂健康!配埋個大檸茶,茶底唔錯,大大杯邊食雞煲邊飲呢杯大檸茶,夠哂爽呀!估唔到石門呢邊有咁高質的雞煲,下次唔一定只考慮沙田市中心或大圍啦,係沙田友的大家又多個飲飲食食之好地方。 繼續閱讀
(以上食評乃用戶個人意見 , 並不代表OpenRice之觀點。)