粉果佬

營業中

休息中

聽就聽得多粉果佬燒賣好食，今日嚟開大埔終於有機會試喇😻🔸家鄉粉果 (3個) $14粉果皮較厚身而且煙韌，餡係一般粉果嘅餡料，爽口嘅沙葛、蝦米、菜脯，仲有芹菜(好彩芹菜味唔太重🤭) ，試過就夠。🔸魚肉燒賣 (5粒) $12手工燒賣粒粒唔同形狀，皆因全人手包製。燒賣咬落好煙韌，唔係一團粉，如果魚肉味多返少少就更好。豉油味咸甜味都唔太出，顯得辣油更辣🥵呢粒燒賣關注組討論度極高嘅魚肉燒賣，意見好兩極。而我就覺得咁啱嚟開大埔可以買嚟過吓口癮，如果要排隊買的話，咁就下次先食喇🤭🐾貓奴足跡🐾🌐粉果佬 (大埔)📍大埔安慈路4號昌運中心地下32號舖