影片
更多
2021-05-13
1622 瀏覽
今日同完男朋友響大圍踩單車，見肚餓就響OpenRice度搵咗一間日式黃店食嘢。舖頭附近全部都係大排檔，得佢一間係日式餐廳，所以都幾易搵，舖頭出面仲有一幅好靚嘅貓貓壁畫，打下卡都唔錯。餐廳裝修都幾靚，枱與枱之間唔會坐到好迫，入去之前店員都會幫你探熱，再用搓手液消毒雙手，之後再叫你寫返紙仔，防疫措施都做得足夠。套餐價錢實惠，野食都幾多元化。蟹膏海膽丼：有一半都係蟹膏，意想不到咁足料，馬糞海膽色澤金黃、外形飽滿，口感creamy，好新鮮清甜，食完好滿足！日式味噌牛腸鍋：牛腸鍋係福岡名物，好少日本餐廳會做，味噌湯濃郁，牛腸煮到軟淋淋，入口油香四溢，好邪惡呀，但係其實牛腸有豐富膠原蛋白，係美容養顏嘅佳品。配料有粉絲、椰菜同埋南瓜，一個人食呢個鍋都會好飽。自選壽司拼盤：本身驚唔夠飽，就揀咗幾舊壽司食，質素都唔錯，配搭都有花心思度過，例如：帆立貝壽司會用青檸吊味；鰻魚壽司面頭會有蛋絲。當中油甘魚壽司肥美甘甜，強烈推薦。金磚炸豆腐：唔太油膩，炸到皮脆內軟，一舊一舊食唔停口，話咁快就食咗一碟。要讚嘅係店員態度好好，本身我箍緊牙，啲嘢食要剪碎先可以食，男朋友食完收返把剪刀嗰陣唔小心整傷隻手，店員都即刻攞膠
見肚餓就響OpenRice度搵咗一間日式黃店食嘢。
舖頭附近全部都係大排檔，
得佢一間係日式餐廳，所以都幾易搵，
舖頭出面仲有一幅好靚嘅貓貓壁畫，
打下卡都唔錯。
餐廳裝修都幾靚，
枱與枱之間唔會坐到好迫，
入去之前店員都會幫你探熱，
再用搓手液消毒雙手，
之後再叫你寫返紙仔，
防疫措施都做得足夠。
套餐價錢實惠，野食都幾多元化。
蟹膏海膽丼
88 瀏覽
0 讚好
0 留言
蟹膏海膽丼：
有一半都係蟹膏，意想不到咁足料，
馬糞海膽色澤金黃、外形飽滿，
口感creamy，好新鮮清甜，
食完好滿足！
日式味噌牛腸鍋
175 瀏覽
0 讚好
0 留言
日式味噌牛腸鍋：
牛腸鍋係福岡名物，好少日本餐廳會做，
味噌湯濃郁，牛腸煮到軟淋淋，
入口油香四溢，好邪惡呀，
但係其實牛腸有豐富膠原蛋白，
係美容養顏嘅佳品。
配料有粉絲、椰菜同埋南瓜，
一個人食呢個鍋都會好飽。
自選壽司拼盤
33 瀏覽
0 讚好
0 留言
自選壽司拼盤：
本身驚唔夠飽，就揀咗幾舊壽司食，
質素都唔錯，配搭都有花心思度過，
例如：帆立貝壽司會用青檸吊味；
鰻魚壽司面頭會有蛋絲。
當中油甘魚壽司肥美甘甜，強烈推薦。
金磚炸豆腐
40 瀏覽
0 讚好
0 留言
金磚炸豆腐：
唔太油膩，炸到皮脆內軟，
一舊一舊食唔停口，
話咁快就食咗一碟。
要讚嘅係店員態度好好，
本身我箍緊牙，啲嘢食要剪碎先可以食，
男朋友食完收返把剪刀嗰陣唔小心整傷隻手，
店員都即刻攞膠布俾我哋，好好人！
張貼
