更多
2020-04-23
1085 瀏覽
孖寶車仔麵位於葵芳地鐵站的葵涌廣場地下, 以前住喺附近, 成日過嚟食車仔麵, 有時早餐會食腸粉及魚肉燒賣, 又平! 又飽肚! 又好味! 今日再做外賣妹! 佢哋嘅碗仔翅同生菜魚肉其實都好味! 我最掛念嘅都係佢哋嘅鹵水雞翼尖同鹵水豬大腸, 真係超級肥美!之但係下午茶特價時段車仔麵又好抵食! $39 三餸一麵兼送熱飲, 抵到冇朋友, 唔叫對唔住自己個荷包!疫情之下, 相信好多食店都有呢個外賣特區! 買完拿拿林去公園搵個冇乜人既地方開餐! 三餸一麵 ($39 送熱飲)下午茶餐唔包鹵水豬大腸, 揀咗牛腩,牛肚及炸魚角配油麵及腩汁湯底。鍾意食車仔麵有少少辣味嘅朋友記得別忘記要求加辣菜脯, 令成碗車仔麵嘅惹味程度大大提升! 菜脯爽口就不在話下, 菜脯放咗落麵湯度, 令成碗麵車仔麵都帶少許微辣, 更醒胃!五香牛腩/牛肚 ~ 鹵得入味及肉質鬆軟, 滲透著清香的花椒、八角、香葉及其他鹵水香料味道。炸魚角 ~ 爽口彈牙油麵 ~ 夠爽滑, 索埋啲辣辣地嘅腩湯更惹味。鹵水拼盤 ($49 加配凍奶茶$11)孖寶個鹵水胆超正, 好香的花椒/八角/香葉/等鹵水香料味道, 仲有經年累月的不同肉味, 鹵水汁已經變得好順
佢哋嘅碗仔翅同生菜魚肉其實都好味! 我最掛念嘅都係佢哋嘅鹵水雞翼尖同鹵水豬大腸, 真係超級肥美!
之但係下午茶特價時段車仔麵又好抵食! $39 三餸一麵兼送熱飲, 抵到冇朋友, 唔叫對唔住自己個荷包!
疫情之下, 相信好多食店都有呢個外賣特區!
買完拿拿林去公園搵個冇乜人既地方開餐!
三餸一麵 ($39 送熱飲)
下午茶餐唔包鹵水豬大腸, 揀咗牛腩,牛肚及炸魚角配油麵及腩汁湯底。
鍾意食車仔麵有少少辣味嘅朋友記得別忘記要求加辣菜脯, 令成碗車仔麵嘅惹味程度大大提升! 菜脯爽口就不在話下, 菜脯放咗落麵湯度, 令成碗麵車仔麵都帶少許微辣, 更醒胃!
五香牛腩/牛肚 ~ 鹵得入味及肉質鬆軟, 滲透著清香的花椒、八角、香葉及其他鹵水香料味道。
炸魚角 ~ 爽口彈牙
油麵 ~ 夠爽滑, 索埋啲辣辣地嘅腩湯更惹味。
鹵水拼盤 ($49 加配凍奶茶$11)
孖寶個鹵水胆超正, 好香的花椒/八角/香葉/等鹵水香料味道, 仲有經年累月的不同肉味, 鹵水汁已經變得好順滑及醇厚, 完全冇死鹹嘅弊病!
鹵水雞翼尖/雞亦 ~ 我的至愛, 食車仔麵必加, 又滑又入味!鹵水雞腳 ~ 佢哋好肯花時間做鹵水食物, 雞腳浸得軟腍, 骨膠原出曬嚟, 食完黏口的, 你睇下張雞腳close up 就知我講緊乜。
鹵水蛋 ~ 浸到入曬未, 蛋白呈鹵水汁嘅顏色, 但又完全唔硬㗎喎, 入味但又唔會變左鐵蛋, 好食! 有2隻, 一人一隻唔洗爭!
鹵水雞腎 ~ 呢個稍為失色咗, 比較硬身, 如果能原隻雞腎浸好後才切片會更可取, 不過佢哋生意咁鬼好, 都應該唔得閒搞啲咁嘅嘢
香腍軟滑
開咗咁耐都keep到水準, 讚!
張貼
