更多
2020-09-13
5551 瀏覽
今日天氣唔錯，喺灣仔做完運動，見時間尚早，去利東街四處溜躂。行了大半個鐘，毫無收穫，決定來 QRE Plaza「Misu Seafood Cuisine」買外賣。其實呢間餐廳之前都幫襯過，覺得食物頗有水準，尤其是魚生丼飯，大碗又夠新鮮，所以今次決定番兜。問店員攞咗個 Lunch Set 餐牌睇，揀咗客角切魚生丼 ($138)， 套餐包野菜沙律、麵豉湯同時令水果，而家外賣自取仲有 85 折優惠，非常抵食。味噌湯絕不馬虎，湯內有蔥花、海帶同腐皮，味道剛好，幾濃麵豉味，又無過鹹現象。角切魚生丼分量恰好，而且用料亦不賴，有牡丹蝦、三文魚、油甘魚、吞拿魚、八爪魚同蟹籽，魚生充滿光澤，看得出的新鮮。牡丹蝦有手指般長，蝦肉軟綿黏稠。蟹籽帶咸鮮味，入口脆卜卜，而三文魚亦油潤有口感。連墊底的米飯都好有水準，煙韌中帶彈性。野菜沙律非常新鮮，面頭加咗蟹籽同胡麻醬，誠意十足，入口味道好 fresh。另外仲有哈密瓜作為飯後果，食落爽口多汁又清甜，很不錯，食完真係超滿足。
今日天氣唔錯，喺灣仔做完運動，見時間尚早，去利東街四處溜躂。行了大半個鐘，毫無收穫，決定來 QRE Plaza「Misu Seafood Cuisine」買外賣。
其實呢間餐廳之前都幫襯過，覺得食物頗有水準，尤其是魚生丼飯，大碗又夠新鮮，所以今次決定番兜。
問店員攞咗個 Lunch Set 餐牌睇，揀咗客角切魚生丼 ($138)， 套餐包野菜沙律、麵豉湯同時令水果，而家外賣自取仲有 85 折優惠，非常抵食。
味噌湯絕不馬虎，湯內有蔥花、海帶同腐皮，味道剛好，幾濃麵豉味，又無過鹹現象。
角切魚生丼分量恰好，而且用料亦不賴，有牡丹蝦、三文魚、油甘魚、吞拿魚、八爪魚同蟹籽，魚生充滿光澤，看得出的新鮮。牡丹蝦有手指般長，蝦肉軟綿黏稠。蟹籽帶咸鮮味，入口脆卜卜，而三文魚亦油潤有口感。連墊底的米飯都好有水準，煙韌中帶彈性。
野菜沙律非常新鮮，面頭加咗蟹籽同胡麻醬，誠意十足，入口味道好 fresh。另外仲有哈密瓜作為飯後果，食落爽口多汁又清甜，很不錯，食完真係超滿足。
張貼
