影片
更多
2023-06-19
39 瀏覽
今日又試新餐廳，見到鋪頭係日式Zakka裝修風格，簡約得黎有心思。仲有兩層樓高既樓底，空間感十足。超讚，今晚就食依間啦，哈哈。餐牌選擇唔少，輕食、主食分別各有六款，甜品五款，飲品好厲害啊，三十幾款咁多成版比你慢慢揀，淨係咖啡都有十幾款，我就揀得好快既，不過要等一等我選擇困難症既朋友，哈哈。過左發育時期既我哋，叫左一份輕食、一份主食、一個甜品同兩杯野飲，兩個人share真係岩岩好，最後好飽好滿足。先黎兩杯野飲 (叫野食，野飲就有85折)朱古力鮮奶咖啡($33)香濃咖啡配上淡淡朱古力味，甜度適中，飲落幾順滑竹炭咖啡 ($33)朋友話岩晒唔鐘意飲甜既佢輕食係「劍魚腩醬油漬牛油果他他」 $128 (5/5)底層係紅色好似紅菜頭既漬物，四四方方，口感似實身既啫喱。中間係我既最愛食同好健康既牛油果蓉，有齊唔同既香料同調味係入面，非常出色。最高果層係劍魚，本身無留意，以為係三文魚呢，因為口感都似，醬油夠入味。醬既份量唔少，所以配撘住鬆脆既多士一齊食，每一啖既口感都十分豐富、有層次、又香又美味，非常幸福。主食係「煎封法國油鴨髀牛肝菌意大利飯」$128 (4/5)上碟時略有驚喜，見到每一粒飯都比滿滿既牛
今日又試新餐廳，見到鋪頭係日式Zakka裝修風格，簡約得黎有心思。
仲有兩層樓高既樓底，空間感十足。超讚，今晚就食依間啦，哈哈。
餐牌選擇唔少，輕食、主食分別各有六款，甜品五款，飲品好厲害啊，三十幾款咁多成版比你慢慢揀，淨係咖啡都有十幾款，我就揀得好快既，不過要等一等我選擇困難症既朋友，哈哈。
過左發育時期既我哋，叫左一份輕食、一份主食、一個甜品同兩杯野飲，兩個人share真係岩岩好，最後好飽好滿足。
先黎兩杯野飲 (叫野食，野飲就有85折)
朱古力鮮奶咖啡($33)
香濃咖啡配上淡淡朱古力味，甜度適中，飲落幾順滑
竹炭咖啡 ($33)
朋友話岩晒唔鐘意飲甜既佢
輕食係「劍魚腩醬油漬牛油果他他」 $128 (5/5)
底層係紅色好似紅菜頭既漬物，四四方方，口感似實身既啫喱。中間係我既最愛食同好健康既牛油果蓉，有齊唔同既香料同調味係入面，非常出色。最高果層係劍魚，本身無留意，以為係三文魚呢，因為口感都似，醬油夠入味。
醬既份量唔少，所以配撘住鬆脆既多士一齊食，每一啖既口感都十分豐富、有層次、又香又美味，非常幸福。
主食係「煎封法國油鴨髀牛肝菌意大利飯」$128 (4/5)
煎封法國油鴨髀牛肝菌意大利飯
$128
6 瀏覽
0 讚好
0 留言
上碟時略有驚喜，見到每一粒飯都比滿滿既牛肝菌汁包裹住，而且粒粒分明，質感軟硬適中，淨係食飯都已經好惹味。加上大大隻既油鴨髀，外面皮酥，內裡肉質嫩滑，淨係用叉都可以將骨同肉輕易分開。油髀加埋牛肝菌汁意大利飯一齊食，味道十分濃郁，令人非常回味。
最後上既係甜品，「初雪窩夫」$98 (4/5)
初雪窩夫
$98
3 瀏覽
0 讚好
0 留言
(呢款甜品製作時間要20分鐘，所以我哋食到咁上下就叫侍應準備)
賣相唔錯，係我鐘意食既窩夫。窩夫睇落都幾厚實，但其實外脆內鬆，朋友話味道有啲似雞蛋糕，相信就咁食窩夫都已經好好食。加埋中間夾住一層cream狀既芝士奶蓋，有小小藍莓、香蕉同士多啤梨粒係裡面，最後淋上伯爵茶香既白朱古力醬係面，視覺同味覺都係享受。
張貼
