風車

營業中

休息中

星期五係大圍放工放二點，老公咁啱放半日，又累又餓，就係大圍附近食。上OpenRice 一搵見呢間好評咁多，價錢又唔貴就即管試下。我地簡左兩個lunch set share。先上餐湯，味道濃郁。但我鍾意沙律菜多d,因為佢一d都唔孤寒，好多醋，好好味主菜黎啦，第一個上係照燒雞肉脆豬。坦白講未黎之前無期望。點知一切就知同其他之前唔同，因為真係夠晒脆，一切就開，唔會韌。雞扒亦好滑，而且入面個塊芝士好濃味，連薯條都外脆內軟，真係喜出望外。第二道係寶雲酥焗魚柳，講真連麻麻魚既我都愛上佢。上網google 下先知寶雲酥係法國菜既煮法。即係食材上面加上芥末醬、麵包糠同香草來焗香，從而增加食物既層次感，做到外脆內軟魚亦非常軟滑。如果下次再有機會，真係想再試寶雲酥焗其他食材。最後，加埋一杯凍飲，同性價比高既價錢，為這個星期辛勞的工作劃上一個句號。