Sky726

營業中

休息中

已經嚟過呢度食晏幾次，係因為鍾意呢度d嘢好好味，環境又靚，而且喺星期五應該要對自己好d, 食好d, 話哂都辛苦咗成個星期吖嘛！午餐我叫咗個番茄海鮮意大利飯，加咗15蚊要多個湯。湯係南瓜湯，有好重南瓜味，好鮮甜，好得喎。意大利飯好有外國feel, 飯既質地有小小硬，好正宗，而且有咬口，煙煙靱靱咁。配合埋d番茄汁，味道有濃厚既鮮茄味，加埋d海鮮粒，好鮮甜，好好咬。最後叫埋杯餐飲熱檸茶，好滿足。