光榮冰室 (厚福街) (厚福街) (已結業)

唸住去食唯一上海麵，搵極唔見，明明記得係肥仔滷味隔離。原來變左呢間光榮冰室，招牌紅紙都未撕，又食新餐廳。順便講下貴租累死每一行，尤其香港飲食業。香港政府睇住d租係咁加，無能力又無智慧去處理，一早收空置稅，肯定唔會淪落到如此田地，9成香港人都活係呢個壓力底下，食碗粥都難過登天，賣廿幾蚊碗粥，點俾幾十萬租金？以前厚福街真係口福街，平貴都有得食。宜家連唯一麵檔都無埋，真係嬲到想爆粗！伙計放低張單，仲係用緊唯一的單，我估係轉型吧，茶餐廳易做d掛！唉！講番嘢食，午餐有好幾種揀，試下蔥油雞扒飯。正常茶餐廳嘢，雞扒都夠大塊新鮮，飯夠熱夠量，蔥油咪蔥油囉！OK既！但度度都有茶餐廳架啦，俾返唯一上海麵我啊，俾返我啊，俾啊，唔制啊！