NUTTEA (海光街) (已結業)

Nuttea一如其名專做堅果奶，好啱對乳糖比較敏感嘅人飲用，又或者係素食者。佢除咗特別在堅果奶之外，仲Mix & match咗好多唔同款式同口味，有生果類、亦有唔同冷泡茶類。種類之多有少少似台式飲品舖，又有新式咖啡店嘅感覺，夾夾埋埋都有幾十款有唔同種類嘅飲品可以揀。今日唔太有胃口，所以買咗一杯堅果奶當做午餐，一杯奶本身已經好飽肚，加咗黑芝麻即刻冇咁單調，芝麻味超濃郁。堅果奶又唔會好似牛奶咁對腸胃產生副作用，飲落去入口好順滑，而且個味道係幾舒服，想飲開牛奶嘅人都唔會覺得有違和感。