影片
更多
2021-10-18
1043 瀏覽
呢間小店地方較細，平日午市都幾多人，今日2個人都等咗半個鐘先入到。午餐有日本菜、漢堡同意粉揀，價錢貼近100蚊左右，同區嚟講都算幾進取。😬和風高湯牛肋肉煮物 ($108)🐄🍲🍱呢款煮物大大碗，湯底好似關冬煮用上鰹魚湯煮，飲落有好香昆布味；牛肋肉肉質紮實但唔會難咬，牛味都幾濃，係後勁有小小膻味；蘿蔔入味無渣，炆得軟腍，新鮮清甜。椒麻帶子裙邊🌶🐚帶子裙邊爽脆，味道酸甜中帶點辣。個人覺得椒麻味可以重啲，依家只係食到啲辣味。熱蜂蜜大麥茶☕️唔係好飲到蜂蜜味，麥味唔會太濃，唔會有陣燶嘅茶味，清清地都唔錯~😋呢度食物價錢唔算平，但份量同味道都對得住個價錢嘅，如果外賣自取仲有9折。個人覺得間唔中去開附近都可以試下，至少唔會失望先~🌝
和風高湯牛肋肉煮物 ($108)🐄🍲🍱
呢款煮物大大碗，湯底好似關冬煮用上鰹魚湯煮，飲落有好香昆布味；
牛肋肉肉質紮實但唔會難咬，牛味都幾濃，係後勁有小小膻味；
蘿蔔入味無渣，炆得軟腍，新鮮清甜。
椒麻帶子裙邊🌶🐚
帶子裙邊爽脆，味道酸甜中帶點辣。個人覺得椒麻味可以重啲，依家只係食到啲辣味。
熱蜂蜜大麥茶☕️
唔係好飲到蜂蜜味，麥味唔會太濃，唔會有陣燶嘅茶味，清清地都唔錯~😋
呢度食物價錢唔算平，但份量同味道都對得住個價錢嘅，如果外賣自取仲有9折。個人覺得間唔中去開附近都可以試下，至少唔會失望先~🌝
張貼
