影片
更多
2024-03-18
43 瀏覽
🔸 極上和牛 $288 每客送澳洲和牛牛丸2粒【台灣鳳梨雞】做火鍋湯底，可以溫補開胃，用鳳梨配搭苦瓜，酸甜開胃又唔油膩。 入座先上鍋底，餐廳用一個大銅鍋，裏面有半隻鮮雞，大白菜、苦瓜、鳳梨就已經溶咗喺雞湯裡面，鍋底下仲發現咗啲魚干仔、大豆、薑片、兩隻蜆，可以將湯鍋提鮮。主菜就係 澳洲極上和牛 肉片一大碟，都係雪花牛肉，烚8秒就熟，入口溶化，牛肉味夠濃，好正😚另外可以自選無限量牛肉，我這次選咗以下幾款：美國PRIME極級肩里肌有較濃郁牛肉味，脂肪無咁香偏向肉質感較多，食落口肉質都唔算柴適合唔中意食太肥嘅朋友。安格斯牛小排油脂香突出，油花分布均勻牛味同油脂香兩者味道平均，唔會過肥膩咬落juicy，好好食。安格斯一口牛肉粒一碟嘅份量唔算多味道跟安格斯牛小排相近但因為係切成一粒粒，所以口感比較實，有嚼口。另外點咗幾款類似魚滑蝦膠嘅肉槳：手打旗魚漿3碟 、台灣海鮮槳3碟、澎湖花枝槳3碟、真味牛肉槳3碟，其中最正嘅係 牛肉槳，大大舊掃落熱鍋裡涮，熱辣辣伴住餐廳提供嘅特濃沙茶醬入口，十分滋味，口感似中式茶樓山竹牛肉球，但這個牛味更香，下次再嚟食一定要再點，魚滑蝦膠就一般。跟餐奉送嘅每客兩粒【澳洲和牛
【台灣鳳梨雞】做火鍋湯底，可以溫補開胃，用鳳梨配搭苦瓜，酸甜開胃又唔油膩。 入座先上鍋底，餐廳用一個大銅鍋，裏面有半隻鮮雞，大白菜、苦瓜、鳳梨就已經溶咗喺雞湯裡面，鍋底下仲發現咗啲魚干仔、大豆、薑片、兩隻蜆，可以將湯鍋提鮮。主菜就係 澳洲極上和牛 肉片一大碟，都係雪花牛肉，烚8秒就熟，入口溶化，牛肉味夠濃，好正😚
另外可以自選無限量牛肉，我這次選咗以下幾款：
美國PRIME極級肩里肌
有較濃郁牛肉味，脂肪無咁香
偏向肉質感較多，食落口肉質都唔算柴
適合唔中意食太肥嘅朋友。
安格斯牛小排
油脂香突出，油花分布均勻
牛味同油脂香兩者味道平均，唔會過肥膩
咬落juicy，好好食。
安格斯一口牛肉粒
一碟嘅份量唔算多
味道跟安格斯牛小排相近
但因為係切成一粒粒，所以口感比較實，有嚼口。
另外點咗幾款類似魚滑蝦膠嘅肉槳：
手打旗魚漿3碟 、台灣海鮮槳3碟、澎湖花枝槳3碟、真味牛肉槳3碟，其中最正嘅係 牛肉槳，大大舊掃落熱鍋裡涮，熱辣辣伴住餐廳提供嘅特濃沙茶醬入口，十分滋味，口感似中式茶樓山竹牛肉球，但這個牛味更香，下次再嚟食一定要再點，魚滑蝦膠就一般。
跟餐奉送嘅每客兩粒【澳洲和牛牛丸】，建議好物留到最後食，因為牛丸大大粒確實係好重牛味，係潮州賴尿牛丸做法，烚幾耐都仲係好爽口Q彈，咬落爆汁鮮甜牛肉香四溢，可惜好 珍貴每人只有兩粒。
飲料係可以自己喺【自助區】無限量任攞嘅，這家台式火鍋【牛大人】特別自家製多款樽裝冷泡綠茶，有白桃烏龍和大紅袍等靚茶，清清地幾好飲。在自助醬料區仲有餐廳新鮮煲嘅黑糖薑母茶，唔係太甜，夠薑夠熱，我好中意飲，飲咗3杯。
埋單前可叫服務員上甜品，有4款哈根達斯雪糕杯可選，其實自助餐2小時已經食飽牛肉，如果個肚再裝唔落雪糕，可以將雪糕杯帶走。
味道：8/10
性價比：7/10
張貼
