影片
更多
2019-08-01
678 瀏覽
今日要講下呢一間餐廳！佢啱啱喺黃竹坑 One Island South 嗰邊新開張，雖然之前已經喺中環食過佢本店，印象非常良好，難得咁遠既地方開咗新舖，一定要試一試分店可唔可以保持水準！但係今日食一個比較特別嘅漢堡，佢冇任何豬牛羊雞嘅成份，佢用植物肉製成肉餅，對環境負擔少一啲，蛋白質豐富，亦都可以當做肉嘅替代品。講返呢塊「肉」嘅味道。相信有去過傳統齋舖食飯嘅朋友都知道，一般傳統素肉係有一朕好重嘅調味以及豆味，而呢塊「肉」我好欣賞佢豆味唔會太重，調味亦都唔會太濃，但咁樣唔等於佢無味，相反，佢嘅調味非常之似西式嘅肉類調味方法，都係有鹽、胡椒、香草等等嘅味道，佢仲有少少辣，非常惹味。佢嘅醬亦都做得非常之出色，唔係一般嘅千島醬之類，而係牛油果醬，非常清新。加上 cheddar cheese，生菜，以及畫龍點睛嘅墨西哥辣椒，成件事好 balance，亦都中和返植物肉嘅油膩感（對的，植物肉都有油，而且佢係煎，都會有少少油）。麵包方面都唔錯，麵包非常軟熟，帶少少甜，亦都有烘過兩邊，一脆一軟，加上 juicy 餡料，呢個午餐實在無敵！唯一要彈下嘅地方，就係價錢。呢個漢堡$148。單點，無餐。同事食一個
佢啱啱喺黃竹坑 One Island South 嗰邊新開張，雖然之前已經喺中環食過佢本店，印象非常良好，難得咁遠既地方開咗新舖，一定要試一試分店可唔可以保持水準！
但係今日食一個比較特別嘅漢堡，佢冇任何豬牛羊雞嘅成份，佢用植物肉製成肉餅，對環境負擔少一啲，蛋白質豐富，亦都可以當做肉嘅替代品。
講返呢塊「肉」嘅味道。相信有去過傳統齋舖食飯嘅朋友都知道，一般傳統素肉係有一朕好重嘅調味以及豆味，而呢塊「肉」我好欣賞佢豆味唔會太重，調味亦都唔會太濃，但咁樣唔等於佢無味，相反，佢嘅調味非常之似西式嘅肉類調味方法，都係有鹽、胡椒、香草等等嘅味道，佢仲有少少辣，非常惹味。
佢嘅醬亦都做得非常之出色，唔係一般嘅千島醬之類，而係牛油果醬，非常清新。加上 cheddar cheese，生菜，以及畫龍點睛嘅墨西哥辣椒，成件事好 balance，亦都中和返植物肉嘅油膩感（對的，植物肉都有油，而且佢係煎，都會有少少油）。
麵包方面都唔錯，麵包非常軟熟，帶少少甜，亦都有烘過兩邊，一脆一軟，加上 juicy 餡料，呢個午餐實在無敵！
唯一要彈下嘅地方，就係價錢。呢個漢堡$148。單點，無餐。同事食一個普通嘅餐， 149 ，有薯條。有少少貴。
54 瀏覽
0 讚好
0 留言
48 瀏覽
0 讚好
0 留言
張貼
