更多
2020-02-16
1384 瀏覽
用料好+服務好,漢堡包叫左芝士漢堡同埋牛肉辣椒漢堡,個包甜甜地,好似提子麥包既味,十分鬆軟,仲要烘到好脆,牛肉好厚,有得揀幾成熟,揀左7成熟,好似熟左啲,早知揀5成,入面既焦糖洋蔥超好食,好香甜。辣椒漢堡唔辣,多左啲醬汁同酸青瓜。另外叫左炸雞柳,個醬汁有孜然味,我唔中意但朋友超中意!另加左個辣肉醬薯條,好香脆,唔辣。值得一提係服務好好,特別讚賞戴眼鏡女服務員,問我地食物好無食,主動拎好多唔同醬汁俾我地,最後想叫甜品既時候,佢仲主動送左個oreo甜品俾我地,個甜品超正,係oreo雪糕,即場加暖既朱古力醬,再加上Oreo 碎,好完美既句號。有時候服務真係會為成餐飯加好多分,一定會再黎食!
張貼