影片
更多
2024-02-02
268 瀏覽
呢間餐廳好評如潮，我同朋友都想試好耐㗎啦，擇日不如撞日，就今日啦！我哋點咗個二人餐，落單之後餐包好快就到咗啦！麵包嘅款式有三款，而且口感各有不同，配合埋餐廳特製酸酸地嘅醬，我同朋友好快就清晒個餐包。😋餐湯方面，我哋order咗一個南瓜湯同埋一個松露蘑菇湯。雖然我哋食晒麵包之後先至飲湯，但係個湯仲係好熱。南瓜湯好甜，仲妹到有南瓜蓉（其實係細細嘅南瓜絲）；而松露蘑菇湯，聞落已經好香嘅松露味，一路飲一路食到啲蘑菇嘅粒粒，真係好享受。😋飲晒個湯之後，生牛肉他他就嚟到啦！上餐嘅速度剛剛好，賣相十分之精緻。成個菜式雖然都係生嘅，但一啲都唔腥，有蛋香同橄欖油香，仲食到碎洋蔥等等。牛肉他他搽喺法包上面一齊食，又係第二種口感😋 意粉到啦！我哋order咗蒜香白酒煮紐西蘭海鑽蜆扁意粉，海鑽蜆有六至七大粒，而且粒粒飽滿。雖然炒過，但海鑽蜆依然鮮味，唔會煮得過火。意粉口感軟硬適中，蒜蓉香味充滿每一條扁意粉，辣味慢慢湧出，只是微辣，值得一試。😋扒類我哋order咗美國極黑豬鞍扒拼香草牛油焗波士頓龍蝦尾，其實每一道菜賣相都係非常之吸引，所以我同朋友都係影完相先再食，但係每一道菜式都keep到個熱度真係好值得讚😋👍
我哋點咗個二人餐，落單之後餐包好快就到咗啦！麵包嘅款式有三款，而且口感各有不同，配合埋餐廳特製酸酸地嘅醬，我同朋友好快就清晒個餐包。😋
餐湯方面，我哋order咗一個南瓜湯同埋一個松露蘑菇湯。雖然我哋食晒麵包之後先至飲湯，但係個湯仲係好熱。南瓜湯好甜，仲妹到有南瓜蓉（其實係細細嘅南瓜絲）；而松露蘑菇湯，聞落已經好香嘅松露味，一路飲一路食到啲蘑菇嘅粒粒，真係好享受。😋
飲晒個湯之後，生牛肉他他就嚟到啦！上餐嘅速度剛剛好，賣相十分之精緻。成個菜式雖然都係生嘅，但一啲都唔腥，有蛋香同橄欖油香，仲食到碎洋蔥等等。牛肉他他搽喺法包上面一齊食，又係第二種口感😋
意粉到啦！我哋order咗蒜香白酒煮紐西蘭海鑽蜆扁意粉，海鑽蜆有六至七大粒，而且粒粒飽滿。雖然炒過，但海鑽蜆依然鮮味，唔會煮得過火。意粉口感軟硬適中，蒜蓉香味充滿每一條扁意粉，辣味慢慢湧出，只是微辣，值得一試。😋
扒類我哋order咗美國極黑豬鞍扒拼香草牛油焗波士頓龍蝦尾，其實每一道菜賣相都係非常之吸引，所以我同朋友都係影完相先再食，但係每一道菜式都keep到個熱度真係好值得讚😋👍🏻
龍蝦尾肉好大嚿！香草牛油焗龍蝦非常入味，肉質爽口，滿口龍蝦鮮味，係高質素嘅龍蝦。😋 豬鞍扒同樣充滿肉汁，雖然餐廳跟咗個汁俾我哋點，但係我同朋友都冇用到🙈，因為就咁食都已經好好食😋。
飲品order咗兩杯Mocktail, 分別係TROPICAL FOREST同埋PRINCESS HEART。前者有陣陣菠蘿味，而後者有士多啤梨蓉同埋橙汁整成，我自己就鍾意PRINCESS HEART多啲啦😋。
連飲品都咁打卡able，唔怪得好評如潮啦🙈。
張貼
