Le Viet (已結業)

行開旺角既應該都一定留意到銀行中心Le Viet, 皆因佢個招牌太醒目, 一眼就睇到。而係網上亦都拎過好多獎同推介,  可以話係超受歡迎既越南菜呀! 上到去可能店員見我地睇menu睇左好耐, 就主動過泥介紹下佢地d招牌菜, service好又有禮貌, 要讚~~ 店員話佢地依度既grill dish特別受歡迎, 於是揀左條香茅燒烏頭試試。烏頭size好有睇頭, 大條又厚肉, 兩個人絕對夠食。新鮮即燒熱辣辣, 魚既中央塞左香茅同檸檬葉,  燒得岩岩好魚肉唔會dry, 有魚鮮味之餘帶陣陣香茅香味, 中意越泰風味既人一定中意依陣味呀~ 好似我咁中意食辣既話建議點埋佢既辣汁, 更惹味之餘仲增添風味!去骨海南雞飯真正既啖啖肉, 連雞翼都去埋骨真係冇得輸, 油潤既雞皮薄薄又唔會痴住肥膏, 入口皮爽肉滑, 配上鮮香油飯, 滿足!特別火車頭湯河湯頭味道帶濃香牛骨味, 清甜又唔油膩, 特別在佢會另上一小樽用水養住既大芽菜同九層塔, 所以係非常新鮮架, 將所有配料放哂落湯, 味道真係好接近越南食既pho!! 餸方面有牛腩, 生牛肉, 牛柏葉, 牛丸同埋蘿蔔, 最中意都係生牛肉, 軟嫩有牛味, 整體份量大,