野玩田店 (已搬遷) 新店位置

今次晚餐就去左呢間位於K11既食店，舖頭位置都幾難搵（係另一間唔記得賣咩既店既入面）。因為BOOK左位，所以等５分鐘左右就有得入去。入到去環境係唔錯，座位幾闊落。但係一打開個MENU，見到飲品一杯都五十幾蚊就知道應該幾貴。最後，我地叫左兩個前菜（TRUFFLE FRIES，芝士雞翼，OIOIN RINGS），黑毛豬同埋一個意粉。TRUFFLE FRIES同OION RNGS就正正常常啦，芝士雞翼入面就好多好濃既芝士(我既最愛)，呢個係我好推薦既(雖然價錢好似係大約70蚊4隻)。黑毛豬就真係好TENDER既，好有肉汁，但係份量好少，三個人差唔多一人兩啖就無了。意粉就仲誇張，真係一人幾條咁分。最後我地係每人２百幾蚊，但係唔夠飽要去第二間食。但無法啦，Ｋ１１你去食個飯其實都係幫緊佢交租，我都好理解。