上海小南國 (時代廣場) (已結業)

朋友請食飯黎左呢間餐廳，小編之前未食過。好耐冇食過上海野，有啲期待。啲嘢大致上都冇乜問題，但唔係特別好食。呢個安格斯牛柳粒確實係中式牛腩咁樣，唔係西餐嗰種牛柳。 佢係雪花牛肉粒，偏肥，所以食落好溜，而且味道比較濃同少少咸，就算餸飯都頂多食到兩三舊。小籠包就唔錯，不過湯好似多左啲😂 就咁睇相都見倒。糖醋魚就好好味，好香口，又唔會太甜。啲魚肉都幾嫩同埋幾多，唔會淨係得炸漿。小編連個魚頭都損埋😂呢個炒四季豆咸左啲😥花雕雞都唔錯，啲雞肉都幾多同大，而且幾入味。