Steak Bar (已結業)

銅鑼灣登龍街一向係高質餐廳集中地，我得閒無事都會去兜個圈，今晚俾我發現到有間食鐵板牛扒的餐廳Steak Bar，幾乎滿座，我一於唔執輸入去醫肚。餐廳雖然細間但唔會太逼，環境亦整潔舒適，菜單款式貴精不貴多，我點了頂級板腱牛扒套餐 (每日限量這個字眼太邪惡)，至於友人點了主打菜吉列牛扒套餐。套餐包括了白飯、沙律，前菜麻醬豆腐，味道清新，食肉之前食菜開胃又健康，好多餐廳都做到呢個貼心服務。另外白飯配了大量飯素－由紫菜、芝麻、蛋花、麻油等調味料組成，非常香口，會不知不覺吃完了一大碗飯。主菜板腱牛扒又厚又大份，用小鐵板比較難掌握烹調，所以會由廚師制作，我選了七成熟剛剛好，粉紅色的肉質有咬口，肉汁多味道鮮濃，要留意的只是要避開中間的筋位，就可以啖啖肉，再配合餐廳特製的柚子鹽或燒肉汁，一份牛吃到多重層次的口味。正！吉列牛也是肉質粉嫩，於鐵板上每邊煎15至20秒就剛剛好，因為都幾猛火輕易就鎖住了肉汁，肉味雖然沒有板腱那麼濃厚但比較軟熟和多了吉列香脆的口感，唯一美中不足是煎牛扒用了很多牛油，香濃但少許油膩，而加飲品要$25有點貴，不過對於食家來說只要味道好就自然忘記價錢了吧！