養心殿台式養生鍋 (已搬遷) 新店位置

呢日同左成大班朋友去咗養心殿食飯慶祝生日，我都係第一次食台式火鍋，所以本身都好期待！早一個星期我哋就已經book咗位啦，上到去佢都俾咗張大枱我哋，但係位置就坐得比較擠迫，而且個環境都好似唔係咁乾淨咁，不過我見網上啲人講到咁好味就算啦。嗰日我哋嗌左個桃膠美人鍋，其實個湯底嘅味道就唔錯嘅，不過逐樣續約配料咁嗌，價錢其實相當之貴。例如一碟手打嘅院都要成80幾蚊，但數量可能只有八粒咁樣。最貴嘅一定係佢嘅菜，70幾蚊只係得半棵菜左右，我覺得真係相當之唔抵呀。講返味道方面啦，見咁多人比好評佢以為會好好味，可能因為期望太高啦，食落我又唔覺得有咩咁好味，但係性價比來講我就覺得一啲都唔抵啦，我會寧願係屋企自己買材料打邊爐。嗰日其實我哋都唔算食咗好多嘢，但係買單時每人都要三百幾蚊，我諗都冇下次了。