影片
更多
2018-08-24
898 瀏覽
早排約左成班跳舞同學仔去旺角食飯，為左可以有個玩得食得又傾得的地方，我們決定去揾間樓上Cafe。旺角出名夠樓上Cafe，係細選下，我們揀左位於金雞商場樓上的To-Gather Cafe。我們一行四人又餓又渴，見到任飲的Party餐已經心心眼，好岩諗住慢慢坐的大家！另外，派對餐除左有主食外，仲有沙律、大量的小食、甜品。本身都揀凱撒沙律，不過咁岩賣晒⋯所以我們就要左份日式芝麻醬田園沙律。沙律用了不同的沙律菜、青瓜、蕃茄仔都好新鮮，粟米及洋蔥都幾甜，整體都OK。小食拼盤共有六種小食，包括蜜糖雞翼、惹味咖哩角、泰式燒豬頸肉、粟米墨魚餅、吉烈珍寶蝦及蜜汁雞肉串。係咁多款小食中，我比較鍾意泰式豬頸肉。豬頸肉燒到岩岩好唔會太乾，不過如果每片豬頸肉再切厚少少會更香更有口感。想大讚的係不在鏡頭下的泰式醬汁，唔同一般Cafe或餐廳的橙色甜酸汁，呢到係用重青檸味的酸辣汁，點小食一流！身為薯條迷的我，無論返工定行街，時不時都會買薯條食。曾經食過某樓上Cafe的薯條，個餅焗到痴實又叉唔起的薯條令我一度懷疑樓上Cafe的薯條好極有限⋯⋯但呢間Cafe的薯條絶對無改錯名「無得輸芝士薯條」！芝士汁應該加了白汁，所以質
我們一行四人又餓又渴，見到任飲的Party餐已經心心眼，好岩諗住慢慢坐的大家！另外，派對餐除左有主食外，仲有沙律、大量的小食、甜品。
本身都揀凱撒沙律，不過咁岩賣晒⋯所以我們就要左份日式芝麻醬田園沙律。沙律用了不同的沙律菜、青瓜、蕃茄仔都好新鮮，粟米及洋蔥都幾甜，整體都OK。
小食拼盤共有六種小食，包括蜜糖雞翼、惹味咖哩角、泰式燒豬頸肉、粟米墨魚餅、吉烈珍寶蝦及蜜汁雞肉串。係咁多款小食中，我比較鍾意泰式豬頸肉。豬頸肉燒到岩岩好唔會太乾，不過如果每片豬頸肉再切厚少少會更香更有口感。想大讚的係不在鏡頭下的泰式醬汁，唔同一般Cafe或餐廳的橙色甜酸汁，呢到係用重青檸味的酸辣汁，點小食一流！
身為薯條迷的我，無論返工定行街，時不時都會買薯條食。曾經食過某樓上Cafe的薯條，個餅焗到痴實又叉唔起的薯條令我一度懷疑樓上Cafe的薯條好極有限⋯⋯但呢間Cafe的薯條絶對無改錯名「無得輸芝士薯條」！芝士汁應該加了白汁，所以質地比較稀，但正正係因為咁，就算放係底的薯條都沾到芝士汁。芝士汁夠香，但唔會濟。薯條薯味唔係特別重，不過炸到外脆內軟，就算有芝士汁都無令到變軟。推介推介！
無得輸芝士薯條
16 瀏覽
0 讚好
0 留言
小食仲包左一份芝士汁焗蔬菜⋯芝士汁夠味，而且仲有少許拉絲效果，都幾好食。
芝士汁焗蔬菜
18 瀏覽
0 讚好
0 留言
3-9位以上可以選兩款主食，餐廳會以人數以準備份量。今次我們就揀了鮮茄焗招牌香茅豬扒飯及白汁香蒜蜆肉意粉。本身對豬扒飯無咩特別Expectation，不過食落有驚喜！茄汁唔會太酸，豬扒夠淋身，而且飯底用左蛋炒飯做飯底！真係唔錯！
鮮茄焗招牌香茅豬扒飯
10 瀏覽
0 讚好
0 留言
白汁香蒜蜆肉意粉一上菜已經勁香蒜味！菇及蜆肉都幾多，意份都有咬口，OK！
食飽飽當然要玩Boardgame啦！Cafe有好多種不同種款的遊戲，當中有我好想玩的狼人牌，可惜我們得4個人玩唔到⋯⋯所以就轉玩大富翁！
另外一提呢到的遊戲都幾新淨，唔會太舊。
除左Party餐包的一口雪米糍外，大家仲可以以優惠價加$10要一份芝士蛋糕或咖啡朱古力慕絲蛋糕。今次我就揀左芝士蛋糕，食落都幾飽，女仔Share都唔錯。
==============================
鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
張貼
