大滾友火鍋

通常打邊爐都係為左瘋狂食肉，今次呢間有少少唔同，我諗好多人都同我一樣係為咗個湯鍋而來俾得咁上下價錢當然有返咁上下既服務一坐低就有芥菜調味盤奉上，好似大爺咁等人服侍～同一般火鍋店唔同，呢度既湯鍋真係有主食，而唔剩指得湯水，今次我地就揀左胡椒酸菜魚。店員會將鍋捧上，當場淋上湯汁，白煙一湧而上就哂派頭用料亦唔講得少，魚片選用斑塊，夠哂嫩身肥美，配埋胡椒酸菜同豬肚，鮮甜惹味。前菜點左款麻辣牛𦟌，麻多於辣，如果再辣啲會更香口惹味。山水豆腐雖為軟豆腐，但質感挺身，作為火鍋配料唔會好易散鳳尾蝦雲吞第一次見，係用原隻蝦碌連尾加上豬肉包成，真係有食梗鮮蝦既感覺美中不足係雲吞皮偏厚，入口有粉感。大推黑松露墨魚滑黑松露味十足，魚膠彈牙有咬口。手打牛丸都係必點之選質感一夾就知係人手打成。非常非常非常鮮嫩多汁而且好重鮮牛肉味，食過番尋味！臨尾仲有糖水送，出現得正及時，木瓜雪耳夠哂滋潤解渴，味道清甜，一解打邊爐後既油膩。