189
10
8
港鐵元朗站 H 出口, 步行約10分鐘 繼續閱讀
電話號碼
36184885
營業時間
今日營業
12:00 - 18:00
星期一至日
12:00 - 18:00
公眾假期
12:00 - 18:00
公眾假期前夕
12:00 - 18:00
*最後落單時間: 02:00
付款方式
Visa Master AlipayHK 支付寶 現金
座位數目
50
其他資料
網上訂座
深夜營業
酒精飲品
電話訂座
賞訂座積分
加一服務費
當面支付
有關獎賞計劃
食評 (221)
等級4 2020-07-30
14 瀏覽
今日同朋友慶生,岩岩好4個人冇過限聚令,咁朋友想打邊爐,我上年食過呢間覺得幾唔錯,所以我地4個就揸左車入黎食餐勁,咁耐冇黎,都係冇令我失望😎不得不寫篇食評介紹下比大家!本身舖頭裝修有特色唔再講,呢排疫症,佢直程每人派一個口罩夾比我地,可以好好安置,而且又有哂消毒搽手液等,我自己都食得好放心!今次4個人,叫野食既選擇多左好多😍咁個鍋底叫左個特色卜卜蜆鍋,蜆肉同湯底都好鮮甜,個份量都唔少係幾抵食☺️另外,一直都想試左好耐既牛魔王牛肉拼盤,今日終於叫到🥰大家都鐘意食牛,上碟時好有氣勢,相都影左好幾張🤣牛肉拼盤既牛肉各有特色!唔同部位都有,有淋、爽口、有入口即溶,好似相中間舊牛,望落似肥肉,但食落係好爽脆!左下碗入面有酒浸既牛肉,牛肉加酒香亦係另一番風味!所以400幾既牛肉拼盤我覺得真係幾值得食!另外我地仲叫左蟹黃餃,淥熟左之後,深深既蟹黃色,加埋簿簿既皮同濃郁既蟹黃味,正👍🏼而手打蟹子墨魚丸十分彈牙入味瑤柱乾貝滑就有十分濃郁既瑤柱味,比起平時成日蝦滑魚滑,呢個就另有一番風味而最正既我覺得係呢個即炸鹹蛋黃金響鈴,兩個係絕配,不過1,2舊我就夠,4個人6舊岩岩好😎食得多會有d膩,所以頭一兩舊真係最正!最後埋單都係1500有找,平均一個400都唔洗,而且佢地即服務都好好,好熱情,呢晚食完大家都飽住開心咁走,香港而家咁,真係出去食餐安樂茶飯都難,但至少今晚都好enjoy! 繼續閱讀
(以上食評乃用戶個人意見 , 並不代表OpenRice之觀點。)
依間之前一直都好full booking難得平日放假,特登黎試下入到去個格局大部都係木台木凳,好有古代feel連餐牌都好得意一坐底揀食咩湯底都好頭痛,店員係甘推介唔同款式,最後揀左冬蔭公卜卜蜆個鍋一上台真係好浮誇,但好岩打卡,而且d 蜆好大隻,又甜, 冬蔭公湯底亦都好出果然無介紹錯我地初頭係甘食蜆,份量真係好多叫左兩款丸,麻辣牛丸就口感散dd , 但係夠麻辣味,亦食到牛味,個人好鐘意蝦丸估唔到入面有成幾隻真蝦,d 蝦仲要爽口彈牙,真係好好食, 依度d 丸簡直超水準小食都叫左兩款,麻辣牛展隻麻辣無牛丸甘重酸辣鳳爪再酸番d 會更加好,但無骨真係好方便牛肉拼盤細既都有好多野食個人最愛係左二雪花肥牛,有雪花令到有少少入口即溶感覺,左一就勁有牛味同有口感,最右既牛肉都好正,真係食唔停口雜菜通常都唔多新鮮,但依度蕃茄同粟米都勁甜,菜類亦好爽脆水魷界花好細心,口感亦都厚肉彈牙絕對會番黎再打邊爐!!多d 人先可以食多d 款 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-10
486 瀏覽
每次夜晚來到元朗撐檯腳,總會想帶著我的最愛去吃我的最愛,而這間大滾友就是我味蕾嘆世界必到的好地方。來到門面瓦頂下有大滾友金榜提字的招牌,進到店內充滿著宮廷風格的雕花式木屏風、傳統的深啡木凳、聖旨到的點餐牌、藍色花紋中國風的餐具等格局,卡位有滿意的私人空間。開爐之先, 滾水洗淨碗碟,加強衛生,先準備來個宮廷混醬的時候,強烈建議加入自家特製的蔥蒜香油。醬料費需另加$20,醬料齊全唔夠再加,一人一罐消暑解渴少不了的天地一號($18)。湯底雖然選擇多,但我也不會多心離棄我的最愛,玲瓏浮突花膠雞湯窩($288),濃香雞湯與龍頭大鍋一齊出場,乾冰的煙霧效果令人會心微笑,店員先將大大隻花膠剪片落湯泡熟,花膠份量滿足,厚身有口感,是CP滿高美味鮮甜又養生的無味精湯,兩個人飲返兩碗頭啖湯已清左半鍋湯。半隻色澤光滑的雞肉上檯已有六成熟,所以只要輕輕滾熟兩分鐘,就可以嘆到滑一滑嘅美味鮮雞肉,絕對是有湯有肉盡食之選。即炸黃金響鈴($68),呢個邪惡響鈴我封佢為鎮店之寶,即炸的鹹蛋王響鈴真心唔係處處食到,更何況係大大件滿足口癮的脆響鈴,吸收埋雞湯鮮味就層次感達完美極致。頂級雪花牛肉($298)包你食飽又讚好的一款主菜,雪花牛肉新鮮大塊,滾一滾後那粉紅色的肉身非常吸睛,當吸收精華雞湯後盲就變得更加鮮甜,食完幾塊原味後再點精華醬料後,味道就再一次升華到另一層次。日本廣島蠔($88)精心私的擺設加上底下的碎冰,顯得廣島蠔更加名貴,大隻的廣島蠔肉,鮮味海水味十分明顯。日本稻庭烏冬($38)最後一定要叫的麵食,主要是要嘆一嘆每種材料滾哂落湯的濃沙郁精華,烏冬不宜滾得太耐,幼細滑口。甜品:奶凍及木瓜雪耳,朱古力粒加上滑一滑的奶凍上口腔滿佈清涼甜美的味覺句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-03
177 瀏覽
呢間火鍋店裝修充滿宮廷風,感覺好有趣,係裝修上已經落足功夫喇~食物選擇亦非常多,起碼有上百款,花多眼亂🤦🏻‍♀️火鍋湯底每款有特色~我地4個人黎點到成枱野食,見到都覺得好豐富,好滿足😆影左好多相打咭🤣鐘意打邊爐又想食得特別啲冇咁悶嘅朋友,千祈唔好錯過呀😋宮廷醬芥 坐底店員會奉上醬料俾我地揀晒先,最左邊👈🏻樽辣椒醬好正!必試特色卜卜蜆鍋 嘩~~~非常多蜆,又飽滿又鮮甜,不過要快啲畢起啲蜆先,烚耐左會老,就唔好食架啦😌同埋一定要唔淥其他野食似左個湯先🥰好!鮮!甜🥰而且揀呢個湯底夠清甜,淥其他食材先可食到最原本嘅味道!平時食開重口味湯底嘅,轉下口味都唔錯大滾友牛肉拼盤 (細)絕對係新鮮嘅靚牛,真正嘅色澤紅潤有光澤😂每個部位口感都唔一樣,有腍身嘅、牛肉味濃啲嘅、爽口嘅~推薦俾同我一樣乜都想試下人😂瑤柱乾貝滑、手打黑松露墨魚滑雙拼 配上乾冰,視覺已經好吸引,打到起膠嘅滑類,很足料,打邊爐必備即炸黃金響玲勁勁勁多蛋黃😱邪惡指數爆燈,仲要啱啱炸起,香脆好食😋鵝肝墨魚丸 大大粒又彈牙,中間仲夾有鵝肝好特別😋西班牙黑毛豬 黑毛豬嘅香味濃過普通豬肉,又冇豬羶味蜂巢冰豆腐 吸湯底之選,估唔到豆味都幾濃喎珊瑚蚌、桂花蚌雙拼  配蜆湯一流,好爽口,記住唔好淥咁耐! 繼續閱讀
(以上食評乃用戶個人意見 , 並不代表OpenRice之觀點。)
見佢地有個花膠雞湯底 幾正咁 所以今次唔做辣妹啦半隻花膠雞湯鍋 $288湯同材料係分開上 即席煲比你睇 店員會幫手剪開花膠放入個鍋 煲到咁上下 可以熄火食花膠 同飲下湯 花膠 夠哂攝牙罅 個湯有小小漿住過口 唔錯雞方面好足稱 件件都好大舊娃娃菜 $32我平時好小特登介紹打邊爐嘅菜 但呢個娃娃菜佩呢個湯底 真係不得之了 實在太太太好食 菜索哂湯汁 煮淋左 呢啲基本野 個湯完全令到個娃娃菜昇華至另一個境介食落好舒服 冇味精 咸淡適中 滲透著雞湯嘅香氣 飽到死都要食 因為真係好好食大滾友牛肉拼盤 (細)$398細都好大盤 老實說 2個人細都食唔哂 可以叫埋同幾個朋友share 蟹黃餃 $78 @4我第一次食 煮完口開香氣四溢 味道唔錯即炸黃金響鈴 $68件件都好大卷 重口味人士覺得可以多啲黃金 就完美手打蟹子蝦滑 $98真係次次打邊爐都叫 因爲男朋好鐘意食 蟹子蝦滑日本稻庭烏冬 $28@2最後食番個麵食 感覺人生完滿了 呢個湯底煮菜同埋面都好好食原來呢度有奶凍食 好似係新出的幾重奶味 唔錯細細杯 本身好飽但係都食得落每一枱 都準備左消毒吱吱 同濕紙巾 呢點我好欣賞會比個袋你 套住你自己個袋 咁就唔怕吸左啲味 大滾友火鍋 (元朗) 3618 4885元朗鳳攸南街9號好順利大廈一座地下G4-G5號舖 繼續閱讀
(以上食評乃用戶個人意見 , 並不代表OpenRice之觀點。)