御品·千之味 (深水埗) (已結業)

喺附近鴨寮街買完野之後搵個地方食飯，見到呢間小店嘅日式食品都好似幾高質素，又坐得幾舒服所以黎試吓！基本上呢條街夜晚食客都唔算特別多，坐得好鬆動好舒服，又唔會趕時間趕你走。火焰壽司拼盤有齊三文魚、帶子、左口魚及熟客等八件各一隻，一次過試齊咁多個味道都幾抵食，我最鍾意火焰芝士三文魚壽司，啲芝士濃郁得來有唔會掩蓋左三文魚嘅鮮味；另外火焰熟蝦的蝦好大隻。釧路丼有齊海膽、赤蝦及三文魚腩等，個飯嘅份量好大，海膽亦都好肥美，最有驚喜係個赤蝦，好大隻好新鮮，個蝦頭入邊都有肥膏。最後就係我最鍾意嘅吉列蠔，炸得剛剛好，一口咬落去啲蠔味道即刻湧出嚟。