更多
2021-01-15
5406 瀏覽
當想打邊爐個時，但又要煩咩湯底、約幾多人去食個時，呢個時候一人鍋就係好好既選擇。呢間台式既一人鍋，招牌係台式既臭臭鍋，呢樣係台灣好常見但香港好罕見既野食，係尖沙咀既金巴利道就食到。-🍲️⃣ 招牌臭臭鍋 💰88(午市)（👅: 7.5/10）有四種辣度可以揀，火鍋可以揀配飯或者粉絲，揀咗唔辣同粉絲。點蠟形式，煮到咁上下會熄火，個人覺得時間係足夠。麻雀雖小，五臟俱全。呢個鍋入面有好多食材，包括娃娃菜、白豚肉、臭豆腐、台式貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金針菇、鳴門卷、炸枝竹、粉絲。首先講呢個鍋既主角，臭豆腐，呢種唔會好似香港個種油炸，臭豆腐既味一上枱個時聞唔到，要煮滾左個煲先聞到，聞到小小臭味但無香港咁誇張，唔知係咪迎合香港人怕人會對傳統臭豆腐反感，餐廳都無話充斥住臭豆腐既味，食落算香口。之後比較出色既係台式貢丸，大粒咬落彈牙，會食到一粒粒冬菇。沙白，即係白蜆，夠新鮮。米血糕偏腍，有台灣既味道。豬大腸咬落係腍，入味，不過我自己本身唔太鍾意食豬大腸。白豚肉份量多，不過肉質偏鞋D。榨菜絲既味已經入哂湯入面，所以唔會話食到好鹹，咬落都爽脆。其他餸就正常，份量夠大份正常人應該
當想打邊爐個時，但又要煩咩湯底、約幾多人去食個時，呢個時候一人鍋就係好好既選擇。
呢間台式既一人鍋，招牌係台式既臭臭鍋，呢樣係台灣好常見但香港好罕見既野食，係尖沙咀既金巴利道就食到。
-
🍲️⃣ 招牌臭臭鍋 💰88(午市)（👅: 7.5/10）
招牌臭臭鍋
$88
186 瀏覽
2 讚好
0 留言
有四種辣度可以揀，火鍋可以揀配飯或者粉絲，揀咗唔辣同粉絲。
點蠟形式，煮到咁上下會熄火，個人覺得時間係足夠。
麻雀雖小，五臟俱全。呢個鍋入面有好多食材，包括娃娃菜、白豚肉、臭豆腐、台式貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金針菇、鳴門卷、炸枝竹、粉絲。
招牌臭臭鍋
$88
121 瀏覽
2 讚好
0 留言
首先講呢個鍋既主角，臭豆腐，呢種唔會好似香港個種油炸，臭豆腐既味一上枱個時聞唔到，要煮滾左個煲先聞到，聞到小小臭味但無香港咁誇張，唔知係咪迎合香港人怕人會對傳統臭豆腐反感，餐廳都無話充斥住臭豆腐既味，食落算香口。
之後比較出色既係台式貢丸，大粒咬落彈牙，會食到一粒粒冬菇。
沙白，即係白蜆，夠新鮮。
米血糕偏腍，有台灣既味道。
豬大腸咬落係腍，入味，不過我自己本身唔太鍾意食豬大腸。
白豚肉份量多，不過肉質偏鞋D。
榨菜絲既味已經入哂湯入面，所以唔會話食到好鹹，咬落都爽脆。
其他餸就正常，份量夠大份正常人應該可以食，因為每樣餸都會有幾舊，我自己食左7/8成就食唔落。
招牌臭臭鍋
$88
153 瀏覽
1 讚好
0 留言
粉絲本身係鍋會有小小，再加配既粉絲，幾入味。
湯睇落清但夠味，會有食材帶來既甜味。
每枱都會有一份醬料，有豆瓣醬、沙茶醬、蒜蓉、辣椒醬、豉油，餐廳推薦既比例係3:2:1(豆瓣醬/沙茶醬:豉油:蒜蓉) ，但咁樣調應該會比較鹹。
-
🍲️⃣ 芝士牛奶鍋💰88(午市)（👅: 7.5/10）
芝士牛奶鍋
$88
87 瀏覽
1 讚好
0 留言
同樣有好多食材，包括娃娃菜、白豚肉、日本南瓜、心型魚豆腐、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃同黄金魚籽球。有幾樣臭臭鍋既餸會無，多出黎既有日本南瓜、心型魚豆腐、麻吉燒、香菇、蛋餃、黄金魚籽球。
心型魚豆腐賣相特別，食落豆腐都算滑。
蛋餃算皮薄不過會好容易煮腍左，同個湯幾夾。
麻吉燒食落表皮似魚腐，入面係年糕，咬落煙韌。
湯底呈奶白色，上面有一塊芝士，經過高溫會慢慢溶係火鍋入面，食到淡淡既奶味，濃度適中，芝士味唔算太出，鍾意牛奶味應該會鍾意。
會見到鍋有生蛋，攪開佢會有蛋花。
鍋入面本身有烏冬份，加埋配既飯/粉絲其實份量夠多會食到飽。
-
🍹凍茉綠茶/凍泡沬紅茶
凍茉綠茶/凍泡沬紅茶
80 瀏覽
1 讚好
0 留言
另外會配唔駛加錢既野飲，有凍茉綠茶同凍泡沬紅茶，我覺得食火鍋配茶唔錯，解渴，茶唔甜會有小小苦澀味，苦盡回甘，飲完會覺得食火鍋無咁heavy。
-
🌟以午市黎講 88+1食到份量咁多既一人鍋係非常抵食，除左尖沙咀銅鑼灣都有分店，味道就正常無話特別好食但都唔難食，想過火鍋癮、或者想試臭臭鍋但又唔可以接受咁臭既臭豆腐可以黎一試。
-
👅味道: 7.5/10
🍴環境: 7/10
💰消費: $88 (服務費: 10%)
張貼
