影片
更多
2023-08-14
371 瀏覽
一早已經答應陪朋友去貓貓cafe，今日終於抽到時間去啦！！荃灣店好近地鐵站，响B出口經天橋行落嚟大河道，三分鐘就到！今日上去時唔算太多人，一入門有位置畀你換拖鞋，仲有酒精搓手液提供，清潔好雙手摸貓貓，啲貓貓都放心啲～店員好細心提醒曬所有要注意嘅地方，之後就安排好座位。佢會畀個大膠袋你袋住啲手袋雜物，以免被貓貓弄髒或者誤咬。店內只提供飲品同蛋糕，並無正餐供應，價錢比想像中便宜。店內的貓貓都十分可愛～雖然不是每一隻都會黏人，但全部都可以任摸任擼～基本上你嘅手機係冇乜時間可以放低，每一秒都可以影到可愛沙龍…店內會提供小食畀你購買嚟餵貓，但店員真係好細心，因為漸漸客人多咗，佢就只提供小份零食（有分大細），以免貓貓過飽～當然，佢哋都好有性格，有啲食飽咗就唔再so你，有啲就不斷問你攞嚟食～基本上店內清潔衛生情況比想像中優秀，地上基本沒有貓毛及貓砂，但因為貓貓數量多（有二十多隻），難免會有少許味道，但幾分鐘後已完全察覺不到了。店內以逗留時間計算，$58/小時，小朋友仲有折扣。我自己都有養貓，所以睇得出店員都是愛貓之人，整個體驗感覺非常良好！
今日上去時唔算太多人，一入門有位置畀你換拖鞋，仲有酒精搓手液提供，清潔好雙手摸貓貓，啲貓貓都放心啲～
店員好細心提醒曬所有要注意嘅地方，之後就安排好座位。佢會畀個大膠袋你袋住啲手袋雜物，以免被貓貓弄髒或者誤咬。店內只提供飲品同蛋糕，並無正餐供應，價錢比想像中便宜。
店內的貓貓都十分可愛～雖然不是每一隻都會黏人，但全部都可以任摸任擼～基本上你嘅手機係冇乜時間可以放低，每一秒都可以影到可愛沙龍…
店內會提供小食畀你購買嚟餵貓，但店員真係好細心，因為漸漸客人多咗，佢就只提供小份零食（有分大細），以免貓貓過飽～當然，佢哋都好有性格，有啲食飽咗就唔再so你，有啲就不斷問你攞嚟食～
基本上店內清潔衛生情況比想像中優秀，地上基本沒有貓毛及貓砂，但因為貓貓數量多（有二十多隻），難免會有少許味道，但幾分鐘後已完全察覺不到了。
店內以逗留時間計算，$58/小時，小朋友仲有折扣。我自己都有養貓，所以睇得出店員都是愛貓之人，整個體驗感覺非常良好！
張貼
