秘 (享成街)

營業中

休息中

荃灣人又再係荃灣區搵食，今次就黎到連其他唔係荃灣人都成日叫我去食下既秘其實我從來都未食過吉列牛，今次係初嘗，所以好期待果日係平日，午市12點幾黎到冇人排隊，非常難得！啲野其實係散叫，加20蚊變定食，就有個秘之飯素同溏心蛋同埋汽水。板燒吉列牛黎到之後比我想像中多肉，有成十幾塊。塊塊都有半個手掌心咁大，都有啲油脂，睇落相當唔錯。鐵板上有牛油，店員教搽匀就燒得。塊牛平均1、2分鐘就燒熟，牛味好香，亦有牛油香，口質好好。跟餐既秘之飯素都好好食，撈好啲配料好香口，就咁食都得。芝士吉列豚肉呢個等左10分鐘左右，因為即叫即炸，熱辣辣。個吉列皮炸得酥脆，豬扒肉質都幾好，用黎點豬扒既芝士都係熱既，好濃郁，好夾。