影片
更多
2022-01-26
441 瀏覽
素食餐廳越開越多，基本上每區都數到幾間，但想試啲創新特別又好味既素食，不妨可以去深水埗福華街試下呢間成日都好多人排隊既素年。午餐時間大概一點去到素年，好彩入到最後一張二人枱，後面既人就已經要排隊。環境方面，餐廳主色調係灰、白同木色系，坐係入面感覺都幾舒服，枱細細但都夠擺。睇返午餐menu都好多款式同好特別，除左好多OL鐘意叫既日式定食，仲有沙律、意粉、意大利飯等等，其中最捉住我眼球既就係腐乳意大利粉同不可能漢堡包🍔飲品方面，跟餐有熱玄米茶同凍伯爵茶，想試咖啡或者其他飲品就加$24-$36。落完order就可以慢慢等驚喜到。第一樣驚喜既係食物同飲品既分量，無論係意大利粉定蕃薯條既份量都好大，如果唔想食太多記得要叫通知店員！第二樣驚喜係佢既味道，先講腐乳意大利粉，原本驚佢太鹹太重口味難入口，但一食就發覺其實係好creamy同白汁好夾，食落好似芝士甘，配料有茄子、豆乾、菠菜同火箭菜，食多啲都唔覺膩。另一個主菜就係不可能漢堡包，impossible meat煎出黎既口感加純素車打芝士同烘得啱啱好脆身既面包入口既口感好豐富，不過佢嘅洋蔥比較生有少少辣，配菜係蕃薯條，同薯條既綿密比，蕃薯條入口甜甜
午餐時間大概一點去到素年，好彩入到最後一張二人枱，後面既人就已經要排隊。環境方面，餐廳主色調係灰、白同木色系，坐係入面感覺都幾舒服，枱細細但都夠擺。
睇返午餐menu都好多款式同好特別，除左好多OL鐘意叫既日式定食，仲有沙律、意粉、意大利飯等等，其中最捉住我眼球既就係腐乳意大利粉同不可能漢堡包🍔飲品方面，跟餐有熱玄米茶同凍伯爵茶，想試咖啡或者其他飲品就加$24-$36。落完order就可以慢慢等驚喜到。
第一樣驚喜既係食物同飲品既分量，無論係意大利粉定蕃薯條既份量都好大，如果唔想食太多記得要叫通知店員！
第二樣驚喜係佢既味道，先講腐乳意大利粉，原本驚佢太鹹太重口味難入口，但一食就發覺其實係好creamy同白汁好夾，食落好似芝士甘，配料有茄子、豆乾、菠菜同火箭菜，食多啲都唔覺膩。另一個主菜就係不可能漢堡包，impossible meat煎出黎既口感加純素車打芝士同烘得啱啱好脆身既面包入口既口感好豐富，不過佢嘅洋蔥比較生有少少辣，配菜係蕃薯條，同薯條既綿密比，蕃薯條入口甜甜地有咬口，因為佢既纖維、維他命C、鈣同糖含量都較高，可以作為一個稍健康嘅選擇。
另外仲有特別既芫茜意粉同咖哩吉列豬扒，同埋好多好靚既燕麥奶特飲，一於下次再試！
腐乳意大利粉
$88
23 瀏覽
0 讚好
0 留言
不可能漢堡包
$128
34 瀏覽
0 讚好
0 留言
張貼
