山東小城 (埃華街)

營業中

休息中

之前去過呢間山東餃子店旺角店，覺得食物質素唔錯，價錢合理！今次去大角咀店，叫咗唔同食物，終於食到羊肉餡餅，真係幾有驚喜，值得試吓～～🔸京蔥羊肉餡餅 $30上次想食但無晒～ 今次終於食到啦！餡餅即叫即整要等一陣，都幾大個，上枱已經切開一半～外皮煎到脆脆地又有啲咬口，裡面嘅羊肉餡超多，仲要係勁爆汁，非常juicy😍 有羊肉味又唔會有羶味，一路食一路滴汁，一定要試吓！之前食過佢哋嘅韭菜餅都好味～🔸招牌墨魚餃擔擔麵 $62晚市套餐嚟，送一杯自家製豆漿或山楂茶～ 馬蹄墨魚餃係呢度嘅招牌餃子，味道幾好幾特別，其他地方食唔到～ 今次加落擔擔麵度一齊食，都幾夾喎，多咗花生香味！擔擔麵麵質唔會太腍，有啲口感，湯底濃淡適中，完全唔辣～🔸鮮肉菠菜餃配蝦皮紫菜蛋花湯 $40之前食過煎餃同灼餃，今次試埋湯餃～ 揀咗鮮肉菠菜餃，大大隻餡料幾飽滿，菠菜比例多，更加健康！餃子皮厚薄適中唔易爛，紫菜湯簡單純粹，味道唔會話好有驚喜，但就有啲家嘅味道～🔸老醋海蜇頭 $18晚餐追加小食幾抵！海蜇頭幾爽口開胃！🔸自製山楂茶🔸熱桂圓紅棗蜜 $10山楂茶跟餐送，酸酸甜甜夠開胃～ 桂圓紅棗茶唔會太甜幾好飲，都幾大杯！