影片
更多
2024-04-11
65 瀏覽
呢間係香港少數有自助餐嘅印度餐廳。前菜、主食、甜品都一應俱全，口味仲好正宗。自助餐會包每人一杯飲品，可以揀lassi。當日嘅食客以香港人為主，餐廳員工嘅英文都非常之好。✨Pani puri呢款係印度出名嘅街頭美食，佢係用脆球盛起汁水。感覺上主要係青檸嗰種酸味，好易入口，開胃油清新。雖然平時食開嘅汁水係橙紅色，但係原來呢款青綠色嘅版本味道都係一樣。✨Samosa飽滿嘅咖喱角賣相吸引，咬開係粉腍嘅薯仔同埋其他蔬菜，咖哩味道非常香。不過佢比較飽肚，食自助餐嘅話唔建議食太多🤣。✨Chicken tikka喺唔同嘅印度餐廳食過，呢度嘅烤雞比較軟熟同埋多肉汁，一食就知係雞髀肉。✨Goan fish curry呢款咖喱味道溫和，最特別之處係佢嘅芫荽味道特別濃郁，適合每一個芫荽控🤣。✨Palak paneer呢度嘅菠菜咖喱係正宗印度餐廳嘅水準，幼滑香濃。佢嘅芝士偏向淡，比較易入口。✨Butter chicken質地特別幼滑，有微微蕃茄酸味幾開胃。雞肉同chicken tikka都係咁嫩滑。✨Delhi golgappa shot脆脆麵加埋羅望子醬、薄荷醬、乳酪，仲有新鮮嘅番石榴肉做點綴。望落去一大堆醬
呢間係香港少數有自助餐嘅印度餐廳。前菜、主食、甜品都一應俱全，口味仲好正宗。自助餐會包每人一杯飲品，可以揀lassi。當日嘅食客以香港人為主，餐廳員工嘅英文都非常之好。
✨Pani puri
呢款係印度出名嘅街頭美食，佢係用脆球盛起汁水。感覺上主要係青檸嗰種酸味，好易入口，開胃油清新。雖然平時食開嘅汁水係橙紅色，但係原來呢款青綠色嘅版本味道都係一樣。
✨Samosa
飽滿嘅咖喱角賣相吸引，咬開係粉腍嘅薯仔同埋其他蔬菜，咖哩味道非常香。不過佢比較飽肚，食自助餐嘅話唔建議食太多🤣。
✨Chicken tikka
喺唔同嘅印度餐廳食過，呢度嘅烤雞比較軟熟同埋多肉汁，一食就知係雞髀肉。
✨Goan fish curry
呢款咖喱味道溫和，最特別之處係佢嘅芫荽味道特別濃郁，適合每一個芫荽控🤣。
✨Palak paneer
呢度嘅菠菜咖喱係正宗印度餐廳嘅水準，幼滑香濃。佢嘅芝士偏向淡，比較易入口。
✨Butter chicken
質地特別幼滑，有微微蕃茄酸味幾開胃。雞肉同chicken tikka都係咁嫩滑。
✨Delhi golgappa shot
脆脆麵加埋羅望子醬、薄荷醬、乳酪，仲有新鮮嘅番石榴肉做點綴。望落去一大堆醬，但係食落去清新到不得了，微微酸好解膩。
✨Dosa
薄餅一邊係脆一邊係鬆軟，本身味道甜甜地，夾住用咖喱煮過嘅薯仔，唔使蘸汁都夠味。
✨Garlic naan
口感鬆軟，蒜香唔算重。我鍾意佢有少少油份嘅濕潤。
✨Biryani
有少少香料味嘅印度米飯，配咖喱食就最啱。
張貼
