正點心 (已結業)

卡路里爆棚－可愛流沙包雖然係食點心飲茶，但鋪頭無論格局定餐牌，都比較新式。除咗有傳統點心之外，都有依家酒樓或者點心鋪好興嘅新式得意點心！豬仔造型流沙包🐷外型好可愛，三隻豬仔個樣都好靚仔，冇崩壞🤣其實都見唔少酒樓有出呢啲 但我自己去親嘅都好少見到 所以一見咁可愛嘅點心 即刻好興奮😋另外，流沙係做到嘅🤣唔會凍哂硬晒，真係有流沙，睇就知都好澎湃啦😆😆😆想睇豬仔爆漿好簡單，手指掐住豬仔兩邊身，黃柑柑嘅流沙餡就爆出嚟啦～😍😍味道方面係好正常嘅流沙包，鹹蛋黃氣味比較鮮明丶比較出，唔係得奶味，流沙餡好滿好多，香鹹濃郁，好食😋！不過包呢啲好難太差（個人覺得😛）所以都唔會伏～去嘅時候係下午茶時段，有優惠價，食埋其他點心，埋單都幾抵食😋😋值得再戰！