城意

營業中

休息中

之前呢間葡國餐廳新開張時已經有留意，但望到餐牌覺得價錢唔平所以無試，今次同同事試過之後又覺得性價比唔錯喎！午市餐牌有17款選擇，價錢由$70到$228，每日亦有一款特價午餐，比其他日子便宜$8到$30不等。所有主食包任食沙律吧！！仲有餐湯及飲品。自助沙律吧有菜，蕃茄，車厘茄，青瓜，螺絲粉沙律及薯仔沙律，另有千島醬，橄欖油及意大利黑醋自行加配。選擇唔算好多，但蔬菜新鮮，個有薯仔沙律好好味，都算有質素。餐湯係忌廉甘筍湯，杯裝上，幾香濃好飲。① 葡國香煎脆皮雞扒配香菌忌廉汁，薯條 $88② 烤濕式熟成豬鞍扒，薯條 $148薯條可免費改成意粉，上餐時見到係茄汁燴扁意粉有驚喜，份量亦好似比薯條多。兩塊扒都厚身大塊，肉質嫩滑有肉汁，完全唔柴皮，正！豬鞍扒個汁就太水，無咩味，不過唔點汁就咁食都已經好好食！③ 開心果朱古力蛋糕 $38④ 伯爵茶燉蛋蛋糕 $38本身食完沙律加主菜已經夠飽，但見到甜品櫃啲蛋糕又好吸引，於是跟餐加配左2件Amor蛋糕，價錢唔算平但上盤賣相更靚，味道唔會太甜，都可以接受。埋單唔使加一，對比同區其他西餐廳，其實都唔算貴，而且食物質素同份量仲更勝一籌。