老掌櫃東北菜館 (海之戀商場)

營業中

休息中

呢一間東北菜嘅北京烤鴨真係做得好出色，首先最難得就係佢嘅鴨偏瘦但係仍然都有鴨油嘅香味，肉質鮮嫩，鴨皮同鴨肉之間冇乜肥膏，唯一挑剔嘅就係佢用嚟夾烤鴨嘅薄皮認真麻麻哋，真係好似成張紙咁樣冇乜質感，所以後段我直頭放棄咗呢啲薄皮，直接食烤鴨肉算數。羊肉蒸餃味道都唔錯，冇乜羊羶味，餃子嘅皮略厚，真係正宗東北餃子嘅口味。油潑麵好味道，雖然睇落去好多辣椒碎但係其實又唔係真係好辣㗎，撈勻佢嚟食認真一流。雲耳炒津白都OK。