38
14
7
港鐵荃灣西站 C 出口, 步行約1分鐘 繼續閱讀
所有分店 (2)
電話號碼
35431618
開飯介紹
價錢大眾化的中菜館。推介北京填鴨、口水雞及酸辣湯。 繼續閱讀
附加資料
如網上訂座已滿,請直接聯絡餐廳訂位。
營業時間
今日營業
11:30 - 22:00
星期一至日
11:30 - 22:00
付款方式
AlipayHK 支付寶 現金
座位數目
100
其他資料
網上訂座
Wi-Fi
酒精飲品
自帶酒水
切餅費
泊車
電話訂座
賞訂座積分
外賣服務 詳細介紹
加一服務費
海景景觀
室外座位
當面支付
有關獎賞計劃
食評 (79)
等級4 2020-10-23
130 瀏覽
餐廳門口的招牌十分奪目 ,環境舒適, 用餐時 ,透過落地大玻璃, 欣賞到無敵海景, 剛好遇上鹹蛋黃的日落美景 , 真令人胃口大開。製牛犇麵$46牛肉啖啖肉 , 分量相當多 ,牛味香濃、入味, 肉質細膩,麵條口感煙煙韌韌, 軟硬適中, 湯底鮮甜, 香而不膩 , 與牛肉相當搭配。肉三鮮(十隻)$44餃子外貌十分飽滿 , 賣相吸引, 餡料豐富 , 有豬肉 、韭菜及蝦仁, 大口咬下去, 肉汁在口中綻放, 做得出色。酥炸小黃魚$78小黃花新鮮煎起,外表煎至金黃帶脆,魚油四溢, 魚皮入口脆皮酥化,魚肉輕輕一叉便散開, 魚肉雪白,味道鮮而軟嫰, 好味到停不了口。雞絲粉皮$58粉皮切成片狀 , 晶瑩通透, 入口煙韌冰涼, 與雞絲及青瓜絲拌勻 一起吃 , 配上胡麻醬汁, 清爽和冰冰涼涼的口感, 炎炎夏日, 令人食慾大增。高力豆沙四件$48高力豆沙, 用打起的蛋白去炸, 灑上砂糖, 內裏豆沙蓉 餡料, 十分綿糯、不太甜, 口感軟綿綿, 窩心的飯後甜品。凍豆漿、 酸梅湯$8凍豆漿豆味香濃, 酸梅湯酸酸甜甜, 幫助消化和解膩, 不二之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-22
57 瀏覽
喺荃灣行完Donki,正要物色晚飯地點,諗起家姐之前曾經推介過Donki門口轉角嘅呢間東北菜館,由於位置唔起眼,一直都冇留意到佢,擇日不如撞日,決定喺度食埋晚飯。豬耳整成果凍狀再切片,巧手精緻,入口口感爽脆,膠質豐富而且一啲都唔油膩,令人食完一片又一片,非常開胃。口水雞肉質嫩滑,醬汁味道層次豐富,鮮香麻辣,非常惹味。土豆燒牛肉以煲仔上,份量好足,牛肉夠哂腍,薯仔亦夠軟身,加上香濃嘅湯汁餸飯一流。蔥爆牛肉大大碟,而且牛肉大大片,份量亦算多,軟腍入味,同樣係白飯殺手。白菜嫩豆腐家鄉味濃,冇過多嘅調味,湯浸旺菜配上嫩滑嘅豆腐,連湯都可以飲埋,清甜舒服。酸辣湯酸度辣度都好夠,鮮香醒胃,而且份量亦好大,三四個人分享都唔係問題。秘製牛犇麵湯底香濃之餘,麵條爽滑彈牙,加上牛肉嘅份量俾得相當大方,而且煮得酥軟入味,價錢亦超抵,性價比極高,喺一致認為最推薦嘅一道!東北農家炒飯配搭簡單,但炒得非常乾爽,而且好有鑊氣,味道亦唔錯。自家製豆漿味道較淡,但勝在低糖,係健康之選。大商場裏面都食到地道風味嘅小炒,實在係非常有驚喜,雖然匿埋喺商場嘅小角落,但勝在環境舒適,食物質素唔錯,而且性價比高,相信會成為常客。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-26
1551 瀏覽
今日特登嚟荃灣行街,知道海之戀開咗好多舖頭,行完Donki梗係去醫肚啦,比我見到呢間喺大角咀食開嘅東北菜,竟然開到嚟荃灣,見好耐冇食過,梗係要試吓啦😝🌟每次都要食京燒羊肉,羊肉真係好香羶,外皮脆口🥰孜然同羊嘅香味係絕配😜香料無醃蓋羊肉味道,咬落去不但夠晒啖啖肉,皮脆肉嫩,配上薄薄嘅羊脂,保留到羊肉味道之餘令我感到好幸福添😋😋絕對係風味獨特既一道菜餚💕🌟素三鮮,是以白菜仔,木耳,甘旬,香茹為材料的菜餚,剁碎混合而做成餡製成的餃子🥟每粒都好大粒足料兼抵食👏 好飽滿呀,用料一點也不吝嗇,而且餃皮很薄又煙韌,高質的餃子😄🌟四喜烤麸,必食既涼菜,材料有烤麩,香菇,木耳和胡蘿蔔🥰烤麩充份吸收哂啲醬汁,配埋香菇,木耳等清脆爽口既伴菜,食慾大開呀😄🌟涼拌白菜心,白菜心切成絲好易入口,加上菜本身鮮甜同口感好爽,加上蘿蔔絲,蔥同豆乾等等既配料,混合埋香油等等既調味料,真係既清新又美味👍🏼 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-25
911 瀏覽
荃灣海之戀商場越來越旺,去Donki 行街之餘,就係揾野食。就在Donki 旁邊有間老掌櫃東北菜館大大個招牌唔會睇唔到,地方大座位多,今晚就在這裡吃晚餐。見到餐牌寫著不設加一服務費,好開心! 食物價錢大眾化,有東北菜、有上海菜,夠曬多選擇。頭盤先來一碟醉雞$68,見到醉雞汁浸滿一碟,雞肉熟度剛好,新鮮而且嫩滑,酒味香濃,浸得很入味,喜歡略帶甜味而不苦澀,值得一試。秘製杭州骨$78,是這裏的招牌菜,一試之下,真的大讚!其實就是糖醋排骨,不過味道比平時的糖醋排骨多了一份香甜的味道。蜜糖味香甜,汁液濃稠可以拉絲,排骨肉質爽口,份量也頗多。配菜還有炸薯仔粒和洋蔥,香濃的吃著很惹味!蔥爆牛肉$78,分量比杭州滑更澎湃!沒想過 親民的價錢,食物分量完全不吝嗇,未食已愛上這間餐廳的熱誠!牛肉和京蔥爆炒得均勻,鑊氣夠,有洋蔥炒過令牛肉更香,吃的時候連京蔥、洋蔥、牛肉一起吃才是最惹味 ! 牛肉醃過,肉質頗滑,每片也是大大塊的絕不欺場,光說份量已經值回票價!酸辣湯麵$46,是我的至愛,無論那處有酸辣麵,我都要吃一碗。一上桌,嚇了一跳!這個大湯碗裝滿了酸辣湯,以為送錯了一大鍋 湯給我,原來真的是酸辣麵!麵質吸收了酸辣湯的味道更好吃,建議可以在湯裡浸久一點才吃。 配料充足,就是湯底稍嫌不夠酸也不夠辣,個人愛吃濃味的酸辣湯,這裏調教成適合香港人口味,相比起蔥爆牛肉和杭州骨的香濃口味,酸辣湯麵就失色了。最後來個甜品,有我喜歡的高力豆沙$12蚊一個,最少要點兩個。就和朋友一起試試吧!皮比較薄,但仍然能做到棉花糖般軟綿綿的感覺;紅豆沙餡,味道只有微甜,不會吃到膩。砂糖灑在高力豆沙外面,甜甜的很滿足!總結,這頓飯,吃得十分滿足,埋單$302,份量和用料都交足功課,全部都很大碟!味道也不錯。 要提一提這裏有茶位收費$4/位位,但這裏的麥茶泡得挺好喝的,不妨多喝幾杯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-22
965 瀏覽
一路過海之戀 當時見到門口側邊有間東北菜叫老掌櫃價錢非常之抵食 見到promotion北京填鴨半隻只需要168蚊立即狗衝入去食 六點鐘入到去已經八成滿差唔多圍圍都係食北京填鴨.🍖北京填鴨半隻 $168對於食肉獸嚟講簡直係福音 外皮脆卜卜鴨肉滑+師傅刀工好好 見到啲皮之餘仲可以有啖啖肉另外要讚下佢啲粉皮塊塊都有輕輕烘過咬入去柔軟得來唔會嚡颯颯配菜有遵從同青瓜加埋甜醬簡直係超抵另外抵讚既係份量 雖然講係半隻 上碟睇上嚟係成隻嘅份量性價比好高!!🥟玉三鮮水餃子(十隻) $44有蝦豬肉韭菜 外皮唔算厚但係好有銀勁好多蝦肉仲好新鮮 一咬入去啲汁爆曬出嚟好juicy四蚊一隻抵食🍜秘製牛犇麵 $46大碗覺得味道比較健康 唔會非常之咸同味精牛肉份量都唔小 食落去份量真係太多建議細食嘅朋友嗌少面 費事浪費..落去好彈牙同個湯好襯🥘酸辣湯 $64之前已經提過我鍾意食濃味嘢 呢個湯直情係正宗嘅上海酸辣湯料非常多 有大量嘅雲耳豆干同辣味都啱啱好芡汁唔會落得過量 相對冇咁邪惡🧇豆沙鍋餅 $48非常抵食即叫即整 皮非常薄但係煎到非常之脆冇用油係烘 感覺健康啲紅豆蓉好滑.推薦三個人食 飽到不得了人均消費一百蚊左右 性價比高 地點方便喺海之戀入面又易搵仲有海景睇建議北京填鴨要預訂先因為成日賣曬.🎀老掌櫃🎀荃灣西鐵站海之戀商場2樓2006號舖(激安百貨Donki旁) 繼續閱讀
(以上食評乃用戶個人意見 , 並不代表OpenRice之觀點。)