糖宮甜品專門店 (積信街)

營業中

休息中

飯後甜品，見以間門口裝修到好靚，門口掛住兩個結他，如果鐘意jam 歌既朋友，可以去jam 下歌食下甜品。以家食甜品既地方唔多，而且好普通，黎黎去去都係食個幾款，今日好開心食到一間好有創意既甜品，用心製作，仲有限定甜品，餐牌上冇架。見到有糖宮新推介*洛重西*（$68）賣相好吸引，有洛神花冰，平時飲開洛神花茶，洛神花冰第一次食，酸酸甜甜，而且仲有西瓜仔，士多啤梨，椰果，三色椰果，水晶粒，生果好新鮮，入面仲有好多涼粉，大大粒，冰冰凍凍，夏天食真係消暑一流！仲有新推出既*黃金芋圓糖不甩*上面有好多鹹蛋黃碎，芋圓，地瓜圓，紫薯圓，唔太甜，煙煙韌韌，配上自製花生粒，鹹鹹甜甜，味道好特別，好好食。*即製芒果拿破侖*人氣之選即叫即做，用上新鮮芒果做，中間的自製吉士醬，味道岩岩好，唔太甜，而一層疊一層的酥皮焗得好香脆。