影片
更多
2024-01-18
703 瀏覽
再訪白鬚❣️呢間算係我覺得喺西貢數一數二好食嘅食店，何況主打印尼料理更為罕有。店內環境舒服，二樓仲有梳化區，夜晚會好chill咁喺大螢幕播電影🎞️。呢日行完山，特登嚟食個靚飯，順便挨住啲豆豆梳化放鬆一下😌😌1️⃣牛骨湯飯 ($108)每碗大概有3至4嚿牛骨，亦有牛腩同蘿蔔。牛骨湯經長時間熬製，飲落唔係好濃味，而係相對清甜嘅牛肉湯😋，無味精，飲哂成碗都唔會「涸」喉。 牛肉煮得好腍身，冇用太多調味料，所以肉味更突出。最地道嘅係個自家製辣醬，咸香辣共冶一醬，個人認為唔好加落湯，而係用嚟蘸點牛腩送飯，咁就同時食同清甜牛湯+惹味牛肉！😍2️⃣印尼雞湯粉 ($72)印尼雞湯（Soto ayam）係種黃色、帶香辣嘅雞湯，地道食法除咗可加入湯粉，仲有粉絲或白色米糕（Nasi Himpit）。呢度就冇得揀米糕，但飯/麵同樣夾！湯底濃味得嚟唔會太鹹，可能為迎合港人口味，地道薑黃味被較重椰香味取代；雞肉足料亦鮮嫩，配料有蛋、芽菜、豆卜同印尼風味十足嘅蝦片🤣 加埋自家製參峇辣椒醬，幾有特色。3️⃣炸素春卷 ($23)外皮酥脆，餡料調味適中，食落清爽唔油膩👍
1️⃣牛骨湯飯 ($108)
每碗大概有3至4嚿牛骨，亦有牛腩同蘿蔔。牛骨湯經長時間熬製，飲落唔係好濃味，而係相對清甜嘅牛肉湯😋，無味精，飲哂成碗都唔會「涸」喉。 牛肉煮得好腍身，冇用太多調味料，所以肉味更突出。最地道嘅係個自家製辣醬，咸香辣共冶一醬，個人認為唔好加落湯，而係用嚟蘸點牛腩送飯，咁就同時食同清甜牛湯+惹味牛肉！😍
牛骨湯飯
$108
11 瀏覽
0 讚好
0 留言
2️⃣印尼雞湯粉 ($72)
印尼雞湯（Soto ayam）係種黃色、帶香辣嘅雞湯，地道食法除咗可加入湯粉，仲有粉絲或白色米糕（Nasi Himpit）。呢度就冇得揀米糕，但飯/麵同樣夾！湯底濃味得嚟唔會太鹹，可能為迎合港人口味，地道薑黃味被較重椰香味取代；雞肉足料亦鮮嫩，配料有蛋、芽菜、豆卜同印尼風味十足嘅蝦片🤣 加埋自家製參峇辣椒醬，幾有特色。
印尼雞湯粉
$72
11 瀏覽
0 讚好
0 留言
3️⃣炸素春卷 ($23)
外皮酥脆，餡料調味適中，食落清爽唔油膩👍
炸素春卷
$23
8 瀏覽
1 讚好
0 留言
張貼
