韓閣 (富裕樓)

營業中

休息中

未夠5:30仲有下午茶，一於早啲食個 early dinner。炸雞特餐（$128），半隻炸雞，斬件後有5件，揀咗甜辣味（另有蜂蜜牛油、甜酸）。即叫即炸，甜辣汁撈埋炸雞一齊食好夾。香草薯條同樣即炸，脆卜卜。蟹肉沙律酸酸哋勁開胃。跟餐熱粟米茶（有粟米味）&例湯（牛骨清湯）味道正常。必食皇牌茶餐（$54），炸特厚黑毛豬扒頗大塊，而且炸得不錯，唔會乾爭爭。太陽蛋湯麵要咗蕃茄湯（另有豬骨、泡菜），估唔到都幾濃郁茄味。小食要咗紫菜粉絲卷（另有蟹肉沙律、香草薯條、豬肉粉絲餃），有3件，食落外面脆裡面爽，不錯。跟餐凍紅豆奶茶味道正常，紅豆都淋。