更多
2018-11-24
546 瀏覽
八點鐘等位，等左約二十分鐘，因為等位時落埋單，所以入到去坐五分鐘倒已經有得食。不過連水都唔記得比，要自己行去拎😓吉列牛加晚市定食。本身都會跟白飯，但亦可以加38蚊轉飯素飯，同埋配多隻溏心蛋同湯。先講講吉列牛，表明係安格斯牛肉，需要加上鐵板燒約10-20秒，視乎個人口味而定。我覺得本身牛已經好淡味，吉列炸味蓋過牛味，但牛都嫩滑，燒耐左都唔會變靭。淨食牛好淡，最好點小小佢本身跟既醬汁會改善到。味噌牛定食。同吉列牛一樣，可自己選擇加唔加38蚊。如圖一樣，有勁大塊葉係到，店員提示要定時攪拌均勻，慢慢煮熟。但其實係好難控制位置，攪多兩下塊葉已經穿左，最後因為怕煩，索性將啲味噌牛肉放去吉列牛到燒算😪但好易令鐵板燒焦，所以先要用塊葉墊底。味道比吉列牛濃郁一點，味噌味都幾香，同牛肉係幾夾，牛肉亦相當嫩滑。而加38蚊係有咩特別左呢？第一係會有溏心蛋，冇乜驚喜，味道正常，係你會想像到既味；第二，飯素飯，好味，但醬汁有點過鹹，如果可以減走小小就會更好，第三，櫻花湯（？）難飲，好難飲，奇怪，好淡好淡既花香味配好淡既清湯，直情放係到就算。總括而言，如有下次唔會加38蚊，講真唔係平，但又唔係好味有驚喜，寧願配返本
吉列牛定食
56 瀏覽
0 讚好
0 留言
吉列牛加晚市定食。本身都會跟白飯，但亦可以加38蚊轉飯素飯，同埋配多隻溏心蛋同湯。
先講講吉列牛，表明係安格斯牛肉，需要加上鐵板燒約10-20秒，視乎個人口味而定。我覺得本身牛已經好淡味，吉列炸味蓋過牛味，但牛都嫩滑，燒耐左都唔會變靭。淨食牛好淡，最好點小小佢本身跟既醬汁會改善到。
味噌牛定食
35 瀏覽
0 讚好
0 留言
味道比吉列牛濃郁一點，味噌味都幾香，同牛肉係幾夾，牛肉亦相當嫩滑。
而加38蚊係有咩特別左呢？第一係會有溏心蛋，冇乜驚喜，味道正常，係你會想像到既味；第二，飯素飯，好味，但醬汁有點過鹹，如果可以減走小小就會更好，第三，櫻花湯（？）難飲，好難飲，奇怪，好淡好淡既花香味配好淡既清湯，直情放係到就算。總括而言，如有下次唔會加38蚊，講真唔係平，但又唔係好味有驚喜，寧願配返本身跟既白飯已經足夠。
最後，應該唔會有下次，不過過下癮燒下野食都幾得意，價錢中上，睇你覺得值唔值一試😌（聽人講午市抵啲，可以留意下～）
張貼
